Hkristmas Lapran Indonesia Mungdan Nawku Jawng Ni Hta Shim Lam Sin Langa Masha (Security) Ni Law Law Jahkrat Tawn Ya Na Lajang Nga

Indonesia Mungdan ting hta nga ai 50,000 re ai Nawku Jawng ni hta Hkristmas lapran adawt kasat lam ni nbyin pru hkra sin langa ni lajang tawn ya na, ndai lam tha pyada, hpyen la, bai makam masham lam hte lapran le re ai myit masa rawng ai Muslim ramma ni, yawng 90,000 jan rai na re, nga ai.

Mungdan a shim lam hte seng nna tsun shaga lit hkam rai nga ai, pya da du kaba Dedi Prasetyo tsun ai hta, “dai ning na Hkristmat shim lam a matu mungdan a ginwang kaba 13 hpe madung da nna galaw na re, dai ni hta Java, Sumatra hte Bali zinlawng ni, bai sinpraw Nusa Tenggara, Dingdung Sulawesi, Maluku hte Papua zing lawng ni hpe madung da nna galaw na re” nga nna tsun dat nga ai.

Lak san ahkyak shatai nna shim lam ja ja lit la galaw ya ra na Nawku htingnu kaba gaw, sinpraw Java zin lawng, Surabaya ginwang na Santa Maria ngu ai nawku htingnu kaba rai nga ai, ndai nawku htingnu kaba gaw lai wa sai May shata 13 ya shani bawm kapaw adawt kasat hkrum lai way u ai nawku jawng kaba rai nga ai, bai shawng de bawm kapaw adawt kasat hkrum lam nib yin lai way u sai, Indonesai Mungdan mare daju rai nga ai Jakarta mare kaba na Our Lady of hte Assumption ngu ai nawku htingnu kaba,  Sumatra, Java hte sin na Nusa Tenggara ginwang ni hkan na nawku jawng ni hpe mung shim lam ja ja sadi ai lam ni galaw ran a re, nga ai.

“Hkristmas lapran Santa Maria Nawku Jawng hpe hpyen la hte pyada marai 70 daram jahkrat nna shim lam lit la na re, dai ni hta lapran le re ai myit masa rawng ai Muslim ramma ni mung lawm na re” nga nna Santa Maria nawku jawng a shim lam hte seng ai myit su rai nga ai Francis Xavier Ping Tedja tsun dat nga ai lam Ucan shiaga dap internet laika man hte ka shana da nga ma ai.

Source: UCANNEWS.COM