Tsunami, Panglai Maw Ru A Majaw Tsin Yam Hkrum Nga Ai Indonesia Tsinyam Hkrum Masha Ni Hte Sai Ning Htan Nga Ga Nga Nna Wa Sarabyin Lajin Lam Galaw Dat Nga Ai Shiga

Indonesia tsuna a majaw masha 400 jan si / Photo:GettyImage

Tsunami, panglai maw ru a majaw tsin yam hkrum nga ai Indonesia tsinyam hkrum masha ni hte sai ning htan nga let garum ning tum lam ni jaw garum ya ga nga nna Mungkan Mungdan ni yawng hpe tsun lajin ai lam wa sarabyin Francis galaw dat nga ai.

Indonesai Mungdan zinlawng langai hta, shana yup pyaw nga ai aten nhprang wan bum kapaw ai lam byin pru nna, tsunami panglai maw ru adawt bun ai majaw masha law law si hkala hkrum lai wa ma ai rai nga ai. 

“Indonesia Mungdan hta byin lai wa ai tsunami panglai hka maw ru a majaw tsin yam hkrum nga ai ni hpe myit dum nga nngai, masha law law si hkala hkrum nga ma ai the, mat nga ai ni mung law law naw rai nga ma ai, dum nta ni law law hten run mat nga sai majaw hpu nau ni law law tsin yam hkrum nga ma ai, shanhte a matu akyu hpyi ya let shanhte hte myit hpawm sai ning htan nga ga, Mungkan Mungdan ni yawng hpe mung ndai tsin yam hkrum nga ai ndai hpu nau ni hpe garum ya na matu lajin mayu nngai” nga nna lai wa sai laban shani, shani ka-ang Angelus akyu hpyi na matu san Peter pa kaba hta hpawng nga ai shawa hpang kaba hpe wa sarabyin tsun dat ai rai nga ai. 

“Si ai masha jahpan marai 400 jan sai, kaga marai 1000 jan mung hkala hkrum nga ma ai hte mat taw nga ai ni mung law law naw rai nga ai” nga nna Indonesia Mungdan asuya lit nga ai ni hku nna shiga shapraw da nga ma ai.

Indonesia Mungdan Java hte Sumatra zinlawng lahkawng lapran na zinlawng kaji langai hta lai wa sai bat, bat kyu ya shana aten hta nhprang wan bum kaba kapaw wa ai lam byin ai majaw, tsunami ngu ai pang lai maw ru matut manoi byin wa nna hkarang de pang lai hka leng kaba ni adawt bun ai majaw ya na zawn masha law law si hkala hkrum lam byin pru ai rai nga ai, nga nna Vatican shiga dap kaw nna shana da nga ma ai. 

Source : Vatican News

Add new comment

3 + 12 =