Cardinal Charles Bo Shangai N'htoi Kumhpa Lu Ai Gumhpraw Sen (500) Jan Hpyen Yen Ni Hpe Garum Na

Myanmar Mungdan na Kahtawlik Saradaw Kaba Cardinal Charles Bo  a Asak (70) ning hpring shangai n’htoi hta hkam la lu ai gumhpraw lap 46,751,300 Kyats (sen mali tsa kru shi sanit mun manga hkying mi masum tsa), American Dallor 3590, Euro gumhpraw 675, Singapore Dollar 100 re ai lam chye lu ai.

Saradaw Kaba a shangai n'htoi kumhpa hku nna hkam la lu ai dai gumhpraw ni yawng (sen manga tsa jan) hpe  tau hkrau shana da sai hte maren, Jinghpaw Mung hte Sammung hkan nga ai hpu nau hpyen yen ni hpe garum madi shadaw mat wa na re ai lam chye lu lu ai.

December shata (15) ya shani ang ai Saradaw Kaba Cardinal Charles Bo a (70) ninghpring shangai n htoi hte Saradaw prat (28) ninghpring masat n htoi Missa hkungga hpe Yangon, St.Mary's Cathedral kaw 2018 Decmeber 15 ya jahpawt hkying 9:00AM hta galaw lai wa sai rai nga ai.

Ref: CBCM OSC