Shaning shagu masha hkying kaba sa du lawm ai hpyen yen tsin yam hkrum n-gun la akyu hpyi hpawng hta ndai 8 lang na lang na lamang hta ya na zawn masha n sa du lawm ai lam gaw tsang 10 san poi mahtai shapraw ya ai ninghtoi shani mung rai nna, dai jahpawt Myitkyina kaw marang kaba htu nna lamu marang n htuk ai majaw rai na re nga nna tsun shajang nga ma ai.
Ndai Saradaw marai 7 hte gaw 1948 ning hta rim hkrum lai wa ma ai. Htawng hta bang da ai aten bungli shaja ni shangun, malu masha shaket da re ai lam ni a majaw, machyi makaw ana ahkya law law hkrum, kaw si hpang gara hkrum rai nna si hkrum lai wa ai Saradaw ni re, nga ai. Shanhte hpe Alu ai masha dang da ai June 2, 2019 ya laban shani galaw ai Missa hkungga hta lang ai lahkum gaw, dai shanhte zingri sat hkrum lai wa ai htawng kata na yupku hpun pyen, bai htawng hkuwat hta lang ai hpri ni the galaw da ai lahkum re, nga ai.
Buga masha ni tsun ai hta, mare langai mi hta Nawku jawng lahkawng nmai nga ai, ngu ai Asuya a masing masa hte maren, Nawku jawng nnan gaw gap da sai majaw dingsa hpe run jahten kau ra ai, dingsa hpe run jahten kau ai lam n galaw ai rai yang nawku jawng nnan a matu license ahkaw ahkang njaw ya na re nga nna tsun ai majaw, Nawku jawng dingsa hpe lai wa sai April shata 12 ya shani run hpra kau lai wa saga ai, raitim mung Asuya kaw nna license htuk ya na naw ning dang nga ma ai, license ra ai rai yang Nawku jawng nnan makau hta nga ai Mama jawng hpe mung la kau ra na re, nga nna bai tsun nga ma ai. Mama jawng shing nrai Nawku jawng nnan langai ngai hpe run kau ra na masa hpe hpung masha ni myit tsang nga ma ai re, nga ai.
Romania Mungdan hta du gawan nga ai aten galaw lai wa ai hkrum bawng ban hpawng yawng ngu na daram hta, makam masham lam hte tsawra magam bungli lam ni hta Hkristian ni hku nna shada da rau magam bungli galaw, rau hkawm sa na ra ahkyak nga ai zawn, mungchying mung shawa hte seng ai magam lam ni hta shada da rau hkawm sa na ra ahkyak nga ai lam ni hpe madung da tsun shaga bawng ban ai lam ni galaw lai wa ai, nga nna Wa Sarabyin tsun dat nga ai.
Myanmar mungdan ting na Saradaw Kaba ni a (2) lang ngu na hkumra hpawng kaba galaw nga ai shiga
May shata 31 ya kaw June shata praw 2 ya shani du hkra Romania Mungdan de Wa Sarabyin sa du gawan na rai nna, ndai hkrun lam gaw maigan mungdan ni de du gawan sa ai Wa Sarabyin Francis a 30 lang ngu na hkrun lam mung rai nga ai. Hkristian Nawku hpung shada da lapran hku hkau ganawn lam ahkyak ai lam hpe shadan shadawng ya na hkrun lam rai na re, nga ai.
28 May 2019, Vatican
Du hkra ladaw galai shai wa ai mang hkang lam gaw shinggyim masha ni yawng, hpan da hkrum ai arung arai ni yawng hte seng ai grai ahkyak ai mang hkang lam re, nga nna Wa Sarabyin Francis tsun dat nga ai. Du hkra ladaw galai shai wa ai lam hte seng nna tsun shaga bawng ban lam ni galaw na matu mungkan mungdan law law kaw nna sut gumhpraw hte seng ai hkring mang ni du hpawng nga ai hpawng hta lahta na zawn Wa Sarabyin tsun dat ai lam rai nga ai.
Myen mung ting na Asipa ( Asian Integral Pastoral Approach ) ngu ai Asia htung Asia lai hte Sasana galaw ai SCC (Small Chritian Community ) or BEC (Basic Ecclesial Community) hte seng ai zuphpawng hpe Yangon kaw na Myen Mung Saradaw uhpung a rung CBCM kaw dai ni May shata 30 ya shani galaw ai lam chye lu ai.
Asak 38 ning sha naw re ai Jau Cecilio Perez Cruz, lai wa sai May shata 18 ya, bat kru ya shana shi a Jau ginwang na Jau nta hta yup nga ai aten, dai ginra hta nkaja ai masa hte mying gumhkawng nga ai lagut damya uhpung ni gap sat ai hpe hkrum lai wa ai rai nga ai. Jau Cecilio Perez gaw El Salvador Mungdan Sosonate Saradaw ginwang na San José la Majada ngu ai jau ginwang a ginwang up jau re, nga ai.
Saradaw Ginwang langai hta, Saradaw hte Jau ni a lapran na matut mahkai ganawn mazum lam ngu ai gaw Saradaw Ginwang langai a matu grai nan ahkyak ai lam rai nga ai, nga nna Italy Mungdan Saradaw ni hpe Wa Sarabyin Francis tsun dat nga ai.
Sign up to our newsletter and get latest news and updates straight to your inbox!
