Shiga

Decan Shatai poi saw shaga shiga ( Local Church News ) 25 June, 2019
Tuesday, June 25, 2019

Tsawra ai Nu wa hpu nau ni, ndai June Shata (29) ya, bat (6) ya jahpawt hkying 7:00 AM ten hta, Myitkyina San Columban Nawku Jawng hta, Sagurem wa, Wa Saradaw Francis Daw Tang a lata hta, Bro. Paul Zinghtung Htoi Naw gaw, Decan a ya hpe hkam la na re majaw, hkawp myit su ni hte Nawku hpung masha ni yawng sa du kabu, akyu hpyi ya na matu, kaba hpa shiga jaw let, saw shaga dat ga ai law.

Mandalay Kahtawlik Sasana Hta, Saradaw Nnan Shatai Poi Hte Ginwang Up Saradaw Magam Lit Up Poi Galaw 
Tuesday, June 25, 2019

Ya na zawn Saradaw Mark Tin Win hku nna Saradaw aya hkam la ai lam gaw, Mandalay Kahtawlik Sasana hta Saradaw Alphonse U Than Aung hkringsa ai (17) ning na ai hpang Mandalay Sasana Ginwang kata na  Jau ni kaw nna Saradaw langai bai lata san lu la ai re lam, Saradaw Mark Tin Win gaw Mandalay Sasana Ginwang a matu (7) ngu na Saradaw  re ai lam chye lu ai.

PLN San Francis Xavier Chyahkrai Jawng Na Ap Nawng Sara Hte Ma Ni A Nsen
Saturday, June 22, 2019

Ma nkau mi hte hkrum shaga yu ai shaloi Kanu Kawa ni myit nsu ai majaw Chyahkrai jawng de sa nga ra ai lam myit npyaw hpa lam tsun shapraw dan ai ni lawm nga ma ai.

Amazon Ginra Makawp Maga Lam Hte Seng Nna Galaw Na Saradaw Ni A Laksan Synod Hkumra Hpawng Kaba Hta Bawng Ban Sa Wa Na Lam Ni
Friday, June 21, 2019

Dingda America dan, Amazon ngu ai tsit lali ai ginra hpe matut makawp maga na lam hte seng nna galaw na lajang nga ai Saradaw ni a laksan Synod hkumra hpawng kaba hta bawng ban sa wa na lam ni hpe, lai wa sai bat langai ya shani Vatican kaw nna ndau shapraw dat nga ai. Ndai Saradaw ni a hkumra hpawng kaba hpe ya du wa na October shata praw 6 ya kaw nna 27 ya shani du hkra Vatican hta galaw na lajang nga ai rai nga ai.

Pakistan Mungdan Hta Hkristian Num Sha Ma Langai Hpe Hkum Shan Roi Lam Galaw Ai Gaw Muslims Ni Re Nga Nna Tsun
Friday, June 21, 2019

Asak 10 jan re ai shanhte a kasha hpe Muslims marai 5 kaw nna hkum shan jawm roi lam galaw ai mang hkang hpe tara dara ai lam galaw ya na matu Pakistian Mungdan kaw nna matsan mayan re ai Hkristian dinghku langai tsun lajin lam galaw nga ai rai nga ai.

Maxico Mungdan Hta Tara Hkaw Sarama Langai Gap Sat Hkrum
Friday, June 21, 2019

Tara  laika sharin nga ai Immaculate Conception ngu ai nawku jawng kata de sinat hpai ai masha lahkawng shang bang wa nna, hkrup mara gap sharu bun ai lam galaw lai wa ai majaw, Nawku jawng kata tara laika sharin ya nga ai tara hkaw Sarama pala hkra nna dai shara hta nan asak sum mat wa ai.

Japan Mungdan na Simsa Lam Dakkasa Ramma Ni Wa Sarabyin Hte Hkrum
Thursday, June 20, 2019

Japan Mungdan, Hiroshima hte Nagasaki kaw na du sa ai Simsa lam Dakkasa (ေစတမန္) Ramma ni hte Wa Sarabyin June shata 19 ya shani na shawa hpawng ( Wednesday General Audience) kaw laksan hkrum shakram nna masat sumla dem lai wa ma ai.

Shatapru Jau Ginwang Na Tsang 10 Awng Sai Ni Hpe Shagrau Poi Galaw
Tuesday, June 18, 2019

Shatapru Jau Ginwang hta tsang 10 awng sai ma ni hpe shagrau ai lamang hte Dakkasu shachyen hkaw tsun hpawng galaw lai wa ai shiga

Jau Ginwang kata hta marai 232 htai ai kaw na 121 awng nna, ningtawn (distinction) hte awng pru wa ai jawng ma marai 3 lawm ai lam chye lu ai.

Iraq Mungdan De Sa Du Gawan Lu Na Myit Mada Ra Sharawng Ai Lam Wa Sarabyin Tsun
Thursday, June 13, 2019

10 June 2019, Vatican

Du na 2020 ning hta Iraq Mungdan de sa du gawan lu na myit mada ra sharawng nga ai, nga nna Wa sarabyin Francis tsun shapraw dat nga ai. Lai wa sai bat langai ya shani ROACO ngu ai garum ningtum uhpung magam gun masha ni hte hkrum shaga ai aten Wa Sarabyin tsun dat ai lam rai nga ai.

Masha Jahpan Lawan Ladan Law Jat Wa Ai Lam Hte Seng Nna  Kahtawlik Nawku Hpung Hpe Philippines Mungdan Gumsan Magam Duterte Mara Shagun
Thursday, June 13, 2019

11 June 2019 , Philippines

Ndai lahkawng masum ning laman, Mungdan  masha jahpan lawan ladan law jat wa ai gaw Kahtawlik Nawku hpung a majaw re, nga nna Philippines Mungdan gumsan magam Duterte Nawku hpung hpe mara shagun lam tsun dat nga ai.

Quick Links