a Sarabyin tsun ai hta, “shawng de gaw sasana galaw ai ngu ai lam hpe religious Jau uhpung ni kaw nna sha galaw lai wa ai, 1850 ning hta dai shaloi na wa sarabyin Pius IX kaw nna ndai PIME jau uhpung hpe, mai gan mungdan ni de sasana galaw na matu ngu ai yaw wshada lam hte hpaw ninghtan lai wa ai rai nga ai.
Burkina Faso ngu ai shara na Nawku Jawng hta lai wa sai laban shani, jau hte hpawn marai 6 si hkrum lai wa ai, adawt kasat hkrum lam byin lai wa ai hpang shani, ya na zawn ndai Niger mungdan hta adawt kasat lam bai hkrum ai lam rai nga ai, nga nna Vatican shiga dap kaw nna shana dat nga ai.
Mara raw Sacramentu jaw ya ai lam hte seng nna jau nnan ni hpe tsun shadum lam galaw ai hta, Kawa karai kasang tsawra matsan dum lama chye ai zawn Madu Yesu mung anhte yawng hpe tsawra matsan dum lama lam madu jaw ya nga ai madu rai nga ai, dai zawn sha mara raw Sacramentu jaw ya ai, tsawra matsan dum lama ai magam bungli galaw shachyen ai hta, pu ba mat sai ngu ai lam ni galoi nmai nga ai, nga nna mung Jau nnan ni hpe Wa Sarabyin tsun shadum dat nga ai.
Nawku Hpung Shiga ( Local Church News )
2019 May 12 – 15 Ya shani du hkra Myitkyina Jau Ginwang Kata kaw lit magam gun hpai nga ai Tarahkaw Sara ni a ningja jat sharin hpawng hpe Nam Jim St.Mary Nawku Jawng Wang hta galaw nga
2020 hta Tanghpre Jau Ginwang kaw nna Alam Wudang Bum hte Njang Yang Jau Ginwang lahkawng hpe tara shang garan masat mat na re lam, ndai 2019 ning laman ya nga ai Jau ni hte Jau Ginwang hkrang langai hku shamawn shakyang let Nawku Daw Jau ai lam, kaga Hkungran ga shaka la na lam ni hte Kashin Kamun hkam ai lam ni yawng hpe tinang a Jau hte jahkrum let galaw na, matsing ningting mying jahpan bang (Register) galaw ai lam ni hpe Ginjaw Tanghpre Jau Ginwang kaw sha galaw mat na, lamu ga jarit , Mare kahtawng masat ai lam ni hpe Hpung masha htinggaw jahpan chyarang atsawm hkrak chye ai hpang masat shagrin mat na matu myit hkrum daw dan ma ai.
“Mother Teresa a mying hte matsan mayam masha ni hpe yu lakawn lam galaw nga ai ginra hta magam gun nga ai Mama ni a si mani sumnung shingdi ai shamu shamawt lam ni gaw matsing hpa rai nga ai. Lama ma bai lu la na ngu ai myit mada lam hpa n tawn da ai sha ma kaji ni, matsan mayan masha ni hpe ndai Mama ni yu lakawn lam galaw nga ma ai. Dai ni a anhte a prat hta, shada da marawn hkat, n kaw hkat, roi hkat re ai lam ni galaw nga ma ai, mung masa galaw ai masha ni shada da roi hkat, htingbu shada roi hkat, marawn hkat, anhte a kun dinghku kata hta pyi n kaw hkat, marawn hkat re ai lam ni galaw nga ga ai. Raitim mung, ndai Macedonia Mungdan na matsan masha ni hpe yu lakawn nga ai Mama ni a si mani lam ni hpe mu ai shaloi, Nawku hpung gaw kanu Nawku hpung rai nga ai ngu ai masa hpe hkam sha lu nngai, ndai sut gan ai majaw Macedonia Nawku hpung hpe chyeju dum ai.
Mother Teresa gaw Yaw shada lam kaba nga ai majaw grai hkyik hkam ai masa the tsawra lu nga ai, Mother Teresa hpe kasi yu la nga ga, Nawku hpung a matu, mungkan a matu ya shada lam kaba ga, dai lam hpe rau jawm shachyen galaw nga ga, nga nna mung Macedonia Ramma ni hpe Wa Sarabyin tsun n-gun jaw dat nga ai .
ingdung Macedonia Mungdan gaw, Sinpraw Orthodox Nawku hpung, Methodist Nawku hpung, Muslim hte Jewish uhpung ni shanu nga ai shara Mungdan rai nga ai hte maren, simsa lam, tara rap ra lam, nbung ai lam ni a lapran simsa ai hte rau jawm shanu nga pra lam ngu ai mungga ni hpe gun sa let Wa Sarabyin sa du gawan lai wa ai lam rai nga ai, nga nna Vatican sahiga dap kaw nna shana dat nga ai.
Wajau James Zukdaw Zung Ding gaw, Myitkyina Ginwang, Lawu Maw hpawng Mare kaw na rai nna, 1994 ning May shata 1 ya shani Wa Sarabyin a dat kasa Saradaw Kaba Archbishop Luigi Brassan a lata kaw nna, htani htana Jau A ya hpe hkam la sai rai nga ai. Ya ten Waimaw Ginwang Up Jau magam lit hpe gunhpai nga ai rai nga ai Jau langai rai nna Amyu bawsang ga hpan law law chpe chye hti chye shaga ai wa rai nga ai.
Sign up to our newsletter and get latest news and updates straight to your inbox!
