Shiga

Tengman ai lam hta hkawm sa nga ninglen kalang lang ra marin ai myit a majaw mara hta lawm mat chye nga ai.

Jinghpaw Wunpawng amyu sha ni Putao de Jinghpaw Lusha Seng sa hpaw lu yang kaja na lam Wajau John Hpung Shang Awng Htoi saw shaga dat nga .

Radio Veritas Asia nsen shapoi dap hpaw hpang ai (50) ning hpring chyeju shakawn Ja Jubili poi hpe 2019 ning April shata 10 – 11,lahkawng  ya ,hilippines mungdan hta galaw la lu sai .

Ndai poi hta e Philippines mungdan na Cardinal Antonio Luis Tagle hte Saradaw kaba ni,mungdan shagu na dat kasa ni hte alu madu ni,Myanmar mungdan Saradaw kaba,Cardinal Charles Bo,Myitkyina Sasana Sagurem wa,Wa Saradaw Francis Daw Tang,Pathien Sasana Sagurem wa,Wa Saradaw John Hsane Hgyi ni hte Myanmar mungdan na Wajau,Ma Ma ni,shiga madat nkau ni sa du shang lawm lai wa ma ai.

Radio Veritas Asia nsen  ningnan shapoi hpang wa ai aten hta Myanmar mungdan na amyu sha ga ni hte shapoi ai lamang garai nlawm shi ai.Dai aten Jinghpaw mungdaw hta sasana magam gun lai wa ai Columban Wajau ni rai nga ai Wa Saradaw Howe, Wajau Murphy yan hte Wa Saradaw kaba Pawlu Zinghtung Grawng ni gaw Myanmar mung Saradaw kaba ni hte jahkrum bawng ban nna jawm atsam dat shakut lai wa ai majaw (1978) ning hta myen myusha ga ,(1982) ning hta Karen amyu sha ga hte Jinghpaw ga ni hku nna nsen shapoi hpang wa lu sai rai nga ai.

Sammung , Lashio Sasana, Loi Hkam Jau Ginwang hta  Kahtawlik Sasana du Shang wa ai (75) ninghpring  Lungseng Jubili Poi hte Nawku Jawng (25) ning hpring Gumhpraw Jubili Poi hpe  galaw lai wa sai lam chye lu ai.