Pakistan Mungdan na Hkristian hte Hindu amyu shayi num sha ni hpe Muslim hpung kale na matu ating anang galaw nga ai lam hpe Nawku hpung a garum ningtum uhpung langai rai nga ai “Aid to hte Church in Need” uhpung kaw nna ja ja tsun ninghkap mara shagun lam galaw dat nga ai.
Ndai ningbaw ningla hpaji sharin ya ai wunkat hpe Csam kawn shawng nna numbat langai lang hku nna Csam kaw lawm ai Komiti malawm ni hpe laksan saw shaga let galaw ai re lam, du wa na ten ni hta ramma ni bawngring galu kaba wa na lam hte seng ai Camp ni hpe matut galaw mat na re ai lam chye lu ai.
Ginsup Poi hpaw poi lamang n-galaw shi yang, Ginsup poi hpe ap nawng ai Missa hkungga hpe Jahpawt 7:30 AM hta Tanghpre Ginwang up Wajau Stephen Supma Sut Awng hte Jau ni marai 3 woi awn nawng jau ya lai ma ai.
Myanmar Mungdan na Cardinal Charles Maung Bo hte Philippines Mungdan Manila na Cardinal Luis Antonio Tagle yan ndai July shata 29 ya shani Bangledesh Mungdan Cox’s Bazar na Rohingya tsinyam dabang ni de 2 ya aten la nna sa du gawan lai wa ma ai.
Asak kaba sai hte ya machyi makaw hkrum nga ai Maria Mucci ngu ai Mama gaw, Vatican na Wa Sarabyin jahpawt shagu Missa hkungga nawng ya ai “Casa Santa Marta” ngu ai htingnu hta shaning law law magam gun nna Wa Sarabyin hte Vatican de du sa ai manam law law hpe daw jau lam galaw lai wa sai Mama re, ya gaw machyi makaw hkrum nna Mama jawng tsi rung hta rawng shanu nga ai.
Kanu Kawa Shagrau Gawdin Ginsup Shingjawng Poi Galaw lai Wa Sai Shiga!
July 27 ya shani San Joachim hte Anna Poi hta Kanu Kawa Shakawn Shagrau masat poi hku nna Laiza Jau ginwang,Laiza Muklum,Zup Awng Simsa Gawdin pa hta galaw lai wa sai lam Laiza jau ginwang,Nawku hpung rung kaw na Sara Paul N Jung Zau Tang tsun shana ai hku nna chye lu ai.
Manmaw Saradaw Ginwang Da-sai mare hta, July Shata (24) ya Laban hpang (3) ya shani, Manmaw Saradaw KMSS lit hkam rai nga ai Wa Jau Micheal Maru Tang Gun kawn woi awn let, makau grup yin tsit tsawm wa na lam hpe madung da nna, hpun bawng (5000) hkai, magam masing lam gaw, Wa Sarabyin kawn nna matsun ya ai, Loudatosi ngu ai, anhte yawng a Mungkan ga mare kahtawng ni, tsawm htap wa lu na lam hpe matsun sharin ya ai lam hpe, ta tut hkrang shapraw sa wa lu na lam hpe sang lang dan ya nna, lai wa sai June shata (27) ya hta hpun nhpang (200) hkai la lu sai lam the lahkawng lang ngu na, hpun jawm
H1N1 ngu ai yawga ana zinli kap ai ngu ntsen ai masha marai 823 nga ai hta, ana zinli rawng ai machyi masha 348 kaw na, 67 gaw asak si sum mat sai lam, yawga byin ai hta Yangon Ginwang kaw law dik rai nna, Ayeyawaddy, Sagaing, Magwe hte Pago Ginwang, Mon hte Jinghpaw Mung ni kaw mung H1N1 ana zin li a majaw asak sum mat ai ni nga ai lam, ya mung machyi sawng nna si sum ai masha jat na masa nga ai lam chye lu ga ai.
Mi Nmu ai ni a matu, Myen mung hte Vietnam Mungdan na hpaji ninghkring ni kawn, Smarthphone hte computer ni kaw na Myen laika ni hpe hti dan ya lu ai Computer matsun (Myanmar Text to Speech Engine Software) hpe awngdang ai hku galaw shapraw dat lu manu ai.
2018 ning laman sawk sagawn lam galaw da ai UN Mungkan rap daw a 2019 ning sumtang laika hta, 2018 ning laman kaw si hpang gara hkrum ai masha Asia dan hta wan 500 jan, Africa dan hta wan 250 jan, hte Latin American dan hta wan 42 jan nga lai wa ai, nga nna Vatican shiga dap kaw nna shana dat nga ai.
Sign up to our newsletter and get latest news and updates straight to your inbox!
