Romania Mungdan De Wa Sarabyin Du Gawan  Ai Aten, Galaw Mat Wa Na Lam Ni

Romania Mungdan de Wa Sarabyin Francis du gawan sa ai aten, Romania Mungdan gaw Europa dan Hkristian makam masham a ahkyak ai ru npawt shara rai nga ai lam hpe shadan shadawng ya ai lam galaw na re, nga nna Cardinal Porolin tsun dat nga ai.

May shata 31 ya kaw June shata praw 2 ya shani du hkra Romania Mungdan de Wa Sarabyin sa du gawan na rai nna, ndai hkrun lam gaw maigan mungdan ni de du gawan sa ai Wa Sarabyin Francis a 30 lang ngu na hkrun lam mung rai nga ai. Hkristian Nawku hpung shada da lapran hku hkau ganawn lam ahkyak ai lam hpe shadan shadawng ya na hkrun lam rai na re, nga ai.

Wa Sarabyin a hkrun lam hte seng nna Cardinal Parolin tsun ai hta, “Wa Sarabyin Francis du gawn sa wa na hpe Romania Mungdan mungchying sha ni myit mada shara law law hte ala dingda nga masai, Wa Sarabyin a gahkyin gumdin lam mungga hpe na la na matu mungchying sha ni ala nga masai” nga nna Cardinal Paronlin Vatican shiga dap the hkrum shaga ai aten tsun dat nga ai.

“Rau hkawm ga” nga ai ga manoi hpe lang nna, May shata 31, bat manga ya shani Romania Mungdan de Wa Sarabyin du gawan sa wa na rai nga ai. Lai wa sai 1999 ning May shata hta Wa Sarabyin Yawhan Pawlu II ndai Romania Mungdan de du gawan sa nna Mungdan kata na malawng maga Hkristian uhpung rai nga ai Orthodox Nawku hpung hte hku hkau ganawn mazum lam hpe labau shang gaw gap da ya lai wa ai rai nga ai. Ya shaning 20 ning na ai hpang, Wa Sarabyin Yawhan Pawlu II hpawng da ya lai wa ai hku hkau ganawn mazum lam hpe ninggam langai bai sharawt jat na matu Wa Sarabyin Francis Romania mungdan de du gawan sa wa ai lam rai nga ai. 

“Lai wa sai 1999 ning Wa Sarabyin Yawhan Pawlu II sa du gawan ai aten shawa pa kaba kaw nna, “myit hkrum gahkyin lam, myit hkrum gahkyin lam” nga nna shawa hpawng kaba marawn jahtau lai wa ai lam hpe bai shingran nga na ga ai” nga nna Cardainal Paronlin tsun dat nga ai lam Vaticsan shaiga dap kaw nna shana dat nga ai. ( n-pu na sumla gaw Cardinal Pietro Parolin  a sumla re)       

 Source: Vatican News