Japan Mungdan na Simsa Lam Dakkasa Ramma Ni Wa Sarabyin Hte Hkrum

Japan Mungdan, Hiroshima hte Nagasaki kaw na du sa ai Simsa lam Dakkasa (ေစတမန္) Ramma ni hte Wa Sarabyin June shata 19 ya shani na shawa hpawng ( Wednesday General Audience) kaw laksan hkrum shakram nna masat sumla dem lai wa ma ai.

Ndai Hiroshima and Nagasaki Peace Messengers ngu ai Ramma uhpung hpe 1945 ning Japan Neclear bawm kaw na lawt pru wa ai Hibakushas ni hpang wa ai rai nna 2013 ning hta Japan Asuya kawn “Youth Communicator for a World without Nuclear Weapons “ ngu ai Nuclear Laknak nlang ai Mungkan a matu Ramma Kanawn Mazum Hpung hku masat nna Mungkan Mundan shara shagu hkan sa du let Nuclear bawm hte seng ai teng mabyin lam ni hpe madun dan ai, hpaji jaw ai lam ni galaw nga ai rai nga ma ai.

Hiroshima hte Nagasaki kaw lai wa sai numbat lahkawng Mungkan majan hta American ni Nuclear bawm lahkawng gap jahkrat dat ai majaw masha 226000 ram kalang ta si sum lai wa sai rai nga ai.

Amarican hte UK ni pawng hpawn let Japan kaw dai Nuclear bawm jahkrat dat ai hpang Japan hte shi a Jinghku Mungdan (မဟာမိတ္) ni laknak jahkrat na matu myithkrum dawdan ma ai majaw numbat lahkawng Mungkan majan gasat jahkring na lam byin pru wa ai rai nga ai.

Thomas