Maxico Mungdan Hta Tara Hkaw Sarama Langai Gap Sat Hkrum

Mixico Mungdan dingda maga na Nawku jawng langai hta lai wa sai bat kru ya, June 15 ya shani tara hkaw Sarama langai gap sat hkrum lai wa ai lam chye lu ai.

Dai zawn Tara hkaw Sarama gap sat hkrum ai lam gaw Mungdan kata mungchying sha ni a lapran nru nra byin nga ai, laikyang hten za ai lam ni a majaw byin pru ai lam rai nga ai, nga nna Maxico Saradaw tsun dat nga ai.

Tara  laika sharin nga ai Immaculate Conception ngu ai nawku jawng kata de sinat hpai ai masha lahkawng shang bang wa nna, hkrup mara gap sharu bun ai lam galaw lai wa ai majaw, Nawku jawng kata tara laika sharin ya nga ai tara hkaw Sarama pala hkra nna dai shara hta nan asak sum mat wa ai.

Dai mabyin hte seng nna dai Saradaw ginwang a ginwang up Saradaw Jame Calderon tsun ai hta, “si hkrum lai wa ai Sarama a maatu myit npyaw ai, Sarama a nta masha ni hte rau myit hpawm nga ai, ndai zawn byin ai lam gaw uhpung uhpawng kata nru nra byin ai, laikyang hten za ai lam ni a majaw rai nga ai” nga nna tsun let mabyin hte seng nna sawk sagawn ai lam galaw ya na matu mung up du ni hpe lajin ai lam mung saradaw tsun dat nga ai.

Dai buga ginra na nawku hpung hte seng ai shiga dap ni tsun ai hta gaw, “ya na zawn Maxico Mungdan hta Kahtawlik Nawku hpung hpe jahten tam ai, jau ni hpe lak san sha-ang nna adawt kasat lam ni galaw ai gaw, buga ginra kata na uhpung uhpawng langai hte langai lapran kasu gabrawng lam ni shabyin shangun mayu ai majaw galaw ai lam rai nga ai,” nga nna tsun dat nga ai.

Lai wa sai bat lahkawng daram hta mung ya na zawn sha Kahtawlik ramma jawngma lahkawng sat hkrum ai mabyin byin lai wa ai. Jawng ma lahkawng hpe rim woi mat wa nna, zingri ai lam ni galaw nna manat sat kau lai wa ma ai.

Mungdan hpe nsim nsa lam shabyin nga ai, shimlum lam nnga byin shangun ai mabyin ni a npawt hpe sagawn nna ahkyak la ai lam ni galaw ya na matu Mungdan

Ref:Vatican News