Vatican Kata Coronavirus Ana Kap Masha Bai Mu

Wa Sarabyin Francis shanu shingbyin nga ai Vatican htingnu hta magam gun ai “Swiss Guard” langai hta coronavirus ana kanu kap ai hpe jep chyoi sagawn da lu ai lam bat kyu ya shani htuk shapraw ai ndau laika hta tara shang ndau da ma ai.

Ana kanu kap masha hpe laksan tawn da nna yu kawn lajang ya nga ai. Shi hte hkrum ai ni yawng hpe mung ana jep chyoi ai lam galaw nga sai re lam chye lu ai.

Vatican kata shawng na hta grau tsaw ai hku jep shoi ai lam hpe bai galaw nga sai lam, shawng de Swiss Guard marai 11 hpe coronavirus ana kanu kap ai hpe jep chyoi da lu sai rai nna shanhte ni hpe mung laksan tawn da let tsi lajang ya nga ai lam tsun da ai.

Italy mungdan gaw Europe dan hta Coronavirus ana kanu chyam bra ai shawng na lang hta law dik ai mungdan rai nga ai.

Ana kanu kap masha 391,611 rai nna, October shata na jahpan hte maren si ai masha 36,427 rai sai lam chye lu ai.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/vatican-city/news/2020-10/coronavirus-11-cases-swiss-guards-vatican.html