Myitkyina jau ginwang, Myitkyina Tatkone St.Gabriel Bawring Htingnu hta 27, 28 Feb kaw nna 1/3/ 2023 shani du hkra Myitkyina jau ginwang Sasana Ma hpung lit hkam Wa Jau John Dashi Naw Lawn hte Sasana Ma hpung (MCA) Komiti jawm pawng let Ma ni hpe ginhtawng Jinghpaw laika sharin ya na Sara/num ni hpe Ningja sharawt sharin hpawng galaw lai wa sai rai nga ai.
February 24, bat manga ya shani, Wa Sarabyin Francis, Pro Petri Sede Association (for the See of Peter) San Peter Tingyang hta dung ai Sarabyin hpe karum ya ai wuhpung malawm ni hte hkrum shaga ai shaloi, shanhte a shawang myit kaba hte San Peter a tingyang ahkang aya hpe hkam la lu ai wa hte the Holy See hpe karum ya nga ai majaw chyeju dum ga tsun let dai ni na mungkan hta majan tsin-yam hkrum ai, matsan tsin-yam hkrum ai, kau da hkrum ai, ndai ni zawn re ai ra kadawn ai ni hpe shawang tsawra myit hte karum jaw karum ya na matu hpyi shawn da nga ai.
Vatican Mare Kaba a Tara Sara wuhpung (Tribunal of the Vatican City State) gaw de ai (94) lang ngu na Vatican Judicial Year hpaw hpang ai lamang galaw ai ten,
Wa Sarabyin Francis, tara rapra lam n nga jang, simsa lam mung n nga ai, ngu tsun da ai.
No ( 1 ) Lang Shatapru Jau Ginwang Hpaji Magam Dap Kaw Na Woi Awn Let, Makam Masham Hte Tara Laika Sharin Hpawng Hpe Awng Dang Ai Hku Galaw La Lu Sai Shiga
Ndai sharin hpawng hpe, Asak ( 14 ) ning lahta na ni hpe madung tawn da let,
Ginwang Up Wajau Msgr. Dr. Peter Hka Awng Tu matsun ai hte maren, shatapru jau ginwang kata nga Tarahkaw Sr/Srn ni yawng shang lawm let sharin ya ai lamang hpe, Lai wa sai 22/10/2022 kaw na sharin hpang wa let, 5/2/2023 du hra shata masum tup sharin ya lai wa sai mung rai nga ai,
Lai wa sai lahkawng ya shani na zawn sha Asia Dan ting hte seng ai sasana nawku hpung Rapdaw Zuphpawng Kaba a masum ngu na hte hpang jahtum shani gaw Chyoi Pra ai Wenyi Karai Kasang kaw akyu hpyi ai lam ( Adsumus sancte Spirtus) hte hpang lai wa sai rai nga ai.
Nawku jawng gaw gap ai lam hta kanu num hpung ni mung poi shingra hkan malu masha shadu, shat maw shat mai shadu dut rai nna alu tam shang lawm lai wa sai.
Asia Dan kaba madang Kahtawlik Sasana ting hte seng ai Rapdaw Zuphpawng hpaw hpang Missa Hkungga rai nga ai, Chyoi Pra Ai Wenyi kaw ap nawng ai Missa Hkungga hpe Japan Mungdan Tokyo Saradaw Ginwanghte,Asia Dan Kahtawlik Saradaw ni a Ginjaw Amu Madu rai nga ai Saradaw Kaba, Tarcisio Isao Kikuchi SVD, Sinpraw Timor Mungdan na Deli Saradaw Ginwang A, Cardinal Virgilio Cardinal do Carmo da Silva SDB hte Lao Mungdan Vientiane Mare kaba na Cardinal Louis Cardinal Marie Ling Mangkhanekhouni ni kaw na woi awn let Missa nawng ya lai wa sai rai nga ai.
ASIA DAN SARADAW NI A RAPDAW HPAWNG KABA (FABC)
NDAU SHANA AI LAM
(February 23, 2023)
Baan Phu Waan (The Sower’s House) gaw Bankok Kahtawlik Saradaw Ginwang Kaba a hkrik hkam dik ai Nawku Hpung hte seng ai shiga shabra ai shara rai nna, February 24 - 26 laman Asia Dan ting hte seng ai Rapdaw Zuphpawng Kaba hpe, nta madu hku nna hkap la galaw sa wa na rai nga ai.
Sign up to our newsletter and get latest news and updates straight to your inbox!
