No ( 1 ) Lang Shatapru Jau Ginwang Hpaji Magam Dap Kaw Na Woi Awn Let, Makam Masham Hte Tara Laika Sharin Hpawng Hpe Awng Dang Ai Hku Galaw La Lu Sai Shiga

No ( 1 ) Lang Shatapru Jau Ginwang Hpaji Magam Dap Kaw Na Woi Awn Let, Makam Masham Hte Tara Laika Sharin Hpawng Hpe Awng Dang Ai Hku Galaw La Lu Sai Shiga

Ndai sharin hpawng hpe, Asak ( 14 ) ning lahta na ni hpe madung tawn da let,

Ginwang Up Wajau Msgr. Dr. Peter Hka Awng Tu matsun ai hte maren, shatapru jau ginwang kata nga Tarahkaw Sr/Srn ni yawng shang lawm let sharin ya ai lamang hpe, Lai wa sai 22/10/2022 kaw na sharin hpang wa let, 5/2/2023 du hra shata masum tup sharin ya lai wa sai mung rai nga ai,

Ndai sharin ai lam hta, jawngma ni hte bungli galaw nga ai ni yawng mung shang lawm sharin hkam la lu mu ga bat mi hta, ( 2 ) ya, Bat 6 Hte Laban nhtoi ni hta,sharin ya ai rai nna, sa du sharin hkam la ai hpung masha ni gaw Mari ( 100 ) ram sa du sharin hkam la ma ai re, dai hta shagrau lek mat lu ai hpung masha gaw Marai ( 42 ) tup rai nga ai lam hpe mung chye lu ai

Ndai Sharin hpawng sharin ya ngut ai hpang, 11/2/2022 ( Bat 6 ) ya shani Shatapru San Patrick gawknu hta san jep/htai ai lamang hpe awng dang ai hku galaw la ngut ai hpang 26/2/2023 ya jahpawat 7:00 Am aten hta, Laban Missa Hkungga Hta, lamang shangut chyeju dum Missa Hkungga hte rau shagrau sha-a lamang hpe mung Ginwang Up Wajau hte rau hpung masha ni yawng shang lawm let awng dang ai hku galaw la lu saga ai re.

Ya na zawn sharin hpawng lamang galaw ai lam gaw, Nawku hpung masha ni, Makam masham hpe atsawm sha chye na manu shadan let, makam kri dung na matu hte Ramma shy/shd sha ni makam hta ru jung na matu hte, ramma ni a bungli masa hta, nawku hpung kaw na madi shadaw ya ai lam ni lu la u ga matu yaw shada let galaw ai rai nna, Shagrau lak mat hta mung masat shagrau ya sai lam hpe chye lu ga ai, ndai shagrau ai hta, rip kawp tara masat da ai hta, shang ai sharin hkam la ngut, jawng ma ni hpe sha jaw ai re lam mung tsun da nga ai

Shagrau lamang hta e, San/ Htai galaw ai lam hta –

No ( 1 ) Hpe, Shy Cecilia Latsen Ban Htoi ( St.Patrick Lawk )

No ( 2 ) Hpe, Shy Elizabeth Nding Ja Seng Awng ( St.Patrick Lawk )

No ( 3 ) Hpe, Jan Rosa Ja Nang ( St, John Paul Lawk ) ni hkam la lu sai mung rai nga ai.

Dai hpang sharin aten ladaw hta aten nhprai ai sha sharin hkam la sai Sara gaiwang shagu na hpung masha ni hpe mung lak san shagrau kum hpa ni hte, shagrau lai wa sai mung rai nga ai.

#localnews

#shatapruparish

#rvakachinservice