Wa Sarabin A, March Shata Akyu Hpyi Yaw Shada Lam: Shoi maroi, Kinsha Lasha Hkrum Ai Ni A Matu Akyu Hpyi Ga

 

Wa Sarabin A, March Shata Akyu Hpyi Yaw Shada Lam: Shoi maroi, Kinsha Lasha Hkrum Ai Ni A Matu Akyu Hpyi Ga

March 2, bat mali ya shani, Wa Sarabyin Francis a akyu hpyi yaw shada lam hpe Vatican Shiga Dap kaw nna ndau shana da ma ai. "Kinsha lasha shoi maroi hkrum ai ni a matu akyu hpyi ya ga" nga nna Wa Sarabyin Saw shaga da ai.

Nawku Hpung masha ni kinsha lasha galaw, shoi maroi ai ladat hte roi rip ai lam n galaw mu ga matu yaw shada let Wa Sarabyin Francis, ya na zawn akyu hpyi yaw shada lam hpe ndau shana da ai rai nga ai.

Dai zawn rai roi rip hkrum ai ni a matu mung Wa Sarabyin Francis akyu hpyi da ya nga ai.

Kinsha lasha galaw roi rip hkrum ai ni a hkam sha machyi ai ana gaw hkum hkrang myit masin du hkra hkra machyi sawng ai re majaw shanhte hpe makawp maga na gaw grai ahkyak ai rai nga ai.

Dai majaw, Wa Sarabyin Francis gaw, shanhte ni myit ana hkam sha machyi ai lam hpang de bai n hkrum sha mu ga matu, shanhte hpe  aten jaw ga, shanhte a nsen madat hkam sha lawm ya ga, shanhte hpe makawp maga ga, nga nna shadum, hpaji jaw, saw shaga da ai.

Hpang jahtum hku nna, dai zawn machyi hkam sha lam shabyin ai nawku hpung masha ni a majaw hkam sha machyi nga ai ni a matu akyu hpyi ya matu hte dai machyi hkam sha lam shabyin ai ni a matu mung akyu hpyi ya na matu Wa Sarabyin Francis Saw shaga da nga ai.

 

Wa Sharabyin a shata shagu na akyu hpyi yaw shada lam hpe ndai link kaw sa hpaw yu mai ga ai. Pope’s Worldwide Prayer Network.

 

By Fr. Patrick Gawmaw Hkawng Yae

https://www.vaticannews.va/en/pope/news/2023-03/pope-s-march-prayer-intention-for-victims-of-abuse.html

 

Add new comment

7 + 7 =