Wa Sarabyin A (2023) Shata Shagu Na Akyu Hpyi Yaw Shada Lam Ni

Shaning shagu a shata shagu laklai akyu hpyi yaw shada lam tawn da let akyu hpyi na matu Wa Sarabyin saw shaga da ai.Wa Sarabyin a hpyi shawn saw shaga da ai lam hpe hkan sa ai hku nna, ndai yaw shada lam ni hte maren, mungkan shinggyim masha ni hte rau sha akyu hpyi na hpe mung saw shaga da ai.

Masat da ai akyu hpyi yaw shada lam hta lai nna mung kalang marang kaga akyu hpyi yaw shada lam hpe mung jat da ai lam mung nga chye nga ai.Jat bang da ai akyu hpyi yaw shada lam gaw hkyak hkyak ra ahkyak ai akyu hpyi ra ai lam hte galaw sa wa ra ai lam ni hpe shadum ya ai.

Mungkan masha yawng rau akyu hpyi shang lawm lu na matu  Pope’s Worldwide Prayer Network Kaw shang yu akyu hpyi mai ai lam mung lajang da ya ai. Wa Sarabyin a ahkyak ai akyu hpyi yaw shada ai lam ni hpe ndai matu  Pope’s Worldwide Prayer Network kaw aten dep ndau ya nga ai.

January (For educators) Sharin sara hpa-awn ni a matu
Sharin sara hpa-awn ni gaw kam hpa ging ai sakse ni tai nga mu ga hte hpu nau nau na myit majing hte sakse hkam sa wa lu mu ga matu akyu hpyi ya na, grau nna sak ram ramma ni hte ma kaji ni hpe kasi kaja madun lam madun sharin ya lu na matu rai nga ai.

February (For parishes) Jau Ginwang shagu a matu
ginjaw daju hta rau ginlum kahkyin gumdin let langai sha re ai makam rawng ai wuhpung kaji ni tai nga na, hpu nau nau na majing ni tai nga na, ra kadawn dik htum ai ni hpe hkap tau hkalum, karum ya lu na matu rai nga ai.

March (For victims of abuse)
Nawku Hpung kata hpung masha ni a kinsha lasha galaw ai hkrum ai ni a matu akyu hpyi na rai ga ai. Nawku Hpung kata hta dai zawn roi rip hkrum ai ni a myit masin hkum hkrang machyi hkam sha ai ni hpe makawp maga la ra ga ai.

April (For a culture of peace and non-violence)
Hpyen majan laknak ni hpe shayawm shamat kau let numja numjan, gumshen ai lam ni hpe n nga wa u ga, simsa lam lam hpe shachyam shabra lu u ga matu akyu hpyi na rai ga ai.

May (For church movements and groups)
Nawku Hpung shamu shamawt ai hta wuhpung hku shang lawm ai ni gaw mungkan ra kadawn ai ni hpe daw jau ai hta, hkam la lu Chyoi Pra Wenyi a tsam hte, shani shagu na sasana magam lam hpe tam mu nna tatut hkawm sa lu na matu akyu hpyi na rai nga ai.

June (For the abolition of torture)
Zingri zingrat ai lam ni hpe dawm kau mu ga, tsin-yam hkrum ai kun dinghku ni hpe madi shadaw karum pawn ba sa wa lu na ngang gring ai ladat hte mungkan madang ga sadi tawn galaw sa wa lu na matu akyu hpyi na rai nga ai.

July (For a Eucharistic life)
Madu Yesu a Hkum hte Sai daw sha ai Missa Hkungga gaw Kahtawlik Hpung masha shagu a masin salum hta sak hkrung nga nna, sung htum lam ni hta Karai Kasang hte, hpu nau nau na ni hte hkrum zup hku hkau kanawn mazum lu ai myit masin hpe hpaw malang da lu na matu akyu hpyi na rai nga ai.

August (For World Youth Day)
Portuguess Mungdan, Lisbon Mare Kaba kaw galaw na rai nga ai Mungkan Ramma Nhtoi lamang a matu akyu hpyi na rai nga ai. Dai Mungkan Ramma Nhtoi lamang gaw ramma ni shanhte a prat hta Kabu Gara Shiga sakse hkam ni tai let sak hkrung nga lu na matu akyu hpyi na rai nga ai.

September (For people living on the margins)
Shinggyim wuhpung wuhpawng hta na shinggyim myit n rawng ai ni galai shai wa u ga matu akyu hpyi na rai nga ai. Gaw da tara hkrang ni hpe n mu jahpai ai lam n galaw mu ga, n ahkyak ai ngu galoi mung n hkam la mu ga matu akyu hpyi na rai nga ai.

October (For the Synod)
Kahtawlik Nawku Hpung Rapdaw Zuphpawng (Synod) a matu akyu hpyi na rai nga ai. Nawku Hpung gaw shi a prat hta madang nem tsaw n ginhka ai sha, Chyoi Pra ai Wenyi lam woi ya ai hte, yawng hpe maren mara madat ya lu ai, hkrum shaga lu ai Nawku Hpung rai nga u ga matu akyu hpyi na rai nga ai.

November (For the Pope)
Wa Sarabyin a matu akyu hpyi na rai nga ai. Shi a sasana magam hta, Chyoi Pra ai Wenyi myit jahtoi ya ai hte maren, sagu hpung masha ni hpe lam woi sa wa lu u ga matu akyu hpyi na rai nga ai.

December (For persons with disabilities)
N kung n kang re ai Gawningja wni a matu akyu hpyi ya na rai nga ai. Shanhte ni gaw shinggyim wuhpung wuhpawng ni a ahkyak da awn la ai, makawp maga ai hpe hkam la lu mu ga, shanhte a shang lawm ai a manu dan sari rawng ai hpe hkap la mu ga matu akyu hpyi na rai nga ai.

https://www.usccb.org/prayers/popes-monthly-intentions-2023