Shiga

Lashio Saradaw Ginwang, Tang yan Jau Aseng Tang Yan mare hta Wa Saradaw Philip Lasap Za Hawng a Lata hta e, 21.3.2019 ya shani hta masha (100) gaw N-gun shaja Sakramentu hpe hkam la let, 22.3.2019 ya shani hta Deacon Mathew Ai Kit hte Deacon Lawrence Kyar Lar yan gaw htani htana Jau aya hpe hkam la lu sai. Ndai poi hta e, Hpung masha (1000) jan sa du shang lawm kabu chyeju shakawn lai wa sai. Anhte yawng, Karai Kasang Wa a chyeju hpe sha kawn ga ai.

Newzealand Mungdan na Muslim Nawku Jawng Pali lahkawng hta masha unawng uwa gap sat sharu lam byin pru ai hpang, Newzealand Mungdn kata nju ndawng hkat lam ni hpe manga kau nna simsa lam nga wa hkra akyu hpyi ya na matu lajin ai lam Wa Sarabyin tsun dat nga ai. Lai wa sai laban shani, San Peter pa kaba hta shani ka-ang Angelus akyu hpyi woi ngut ai hpang lahta na zawn Wa Sarabyin Francis tsun dat ai lam rai nga ai.

"Hkashi Hkanu ni hpe makawp maga ai nhtoi”

Tsawra ai Nu wa hpu nau ni, Ndai March Shata (14) ya shani gaw, Mungkan kawn masat ai "Hkashi Hkanu ni hpe makawp maga ai nhtoi shani rai nga ai” Dai nhtoi shani hta, Jinghpaw Mungdaw, Myitkyina mare kaba kawn deng (27) tsan ai, Malizup mare na hkanu kaba kaw, Makam masham hpung woi ningbaw ni hte rau, buga na kashu kasha ni yawng, Mali Hkanu kaba prat tup tsawp htap ngang grin nga u ga matu, lak san akyu hpyi hpawng hpe galaw la lu sai rai nga ai.

Laiza jau ginwang ningtau ginwang up Wajau hte Laiza jau ginwang na Numhpung ni Lusha Gam ladaw hta akyu hpyi hpung kawan hkawm ai shiga.

lamang tang madun ai-Elizabeth Nbang Seng Lawt Lu