Local Chruch News

Htani Htana Jau Aya Hkam La Lu Sai Shiga

Manmaw Sasana N-mawk Jau Ginwang, St.Patrick Nawku Jawng wang hta e, Karai wa a shaman chyeju hte 26 March 2019. 8:00am ten hta N-mawk Mare Hka Nan lawk kaw shanu nga ai Sara Henry Maran Awng + Srn Kaba Lucia  Hka Jan yan a kasha, Wajau Maran Awng Seng Naw gaw sagurem wa wasaradaw Raymond Sumlut Gam a lata hta htani htana jau aya hkam la lu sai kabu gara wunli lu ai poi kaba hta e Manmaw sasana sagurem wa Wasaradaw Raymond sumlut gam hte rau Myikyina sasana sagurem wa Wasaradaw Francis Daw Tang, Waju Ni 30 jan, Mama ni 30 jan, Bro 10 jan hte nawku hpung masha ni yawng 1000 jan daram sa du gabu akyu hpyi shang lawm ai lam hpe mu lu ai. Bai Jau n-nan magam gun ang ai sasana gaw n-mawk jau ginwang na ningtau jau lit magam hku  gun hpai sa mat na re lam mung chye lu ai.dai ngut ai hte matut manoi shagrau sha-a ai lamang hta mung seng ang ai komiti ni woi awn let Jau ginwang shagu de na nawku hpung masha ni kum hpaw kum hpa ni hte sak jaw hkalum la sai lam mu lu ai. Bai Jau n-nan a shawng nngnan lang ngu na chyeju dum Missa hkungga hpe gaw 27 March 2019 ya jahpawt 7:00 ten hta chyeju dum Missa hkungga nawng jau ya lai wa ai lam mu lu ai.

RVA Gin Jaw Rung

Myitkyina, Awng Nan.