Cardinal Tagle Nawku Hpung Ginjaw Sasana Shacyam Shabra Dap lit Hkam Tai Wa

Wa Sarabyin Francis kaw nna Philippines Mungdan Manila Saradaw kaba Cardinal Luis Antonio Tagle hpe Nawku Hpung Ginjaw Sasana Shachyam Shabra Dap a hpaw awn ning baw lit shatsam dat sai lam December praw 8 ya shani Vatican kaw nna ndau shana dat nga ai.
‘Propaganda Fide’ ngu shamying ai, Nawku Hpung Ginjaw Magam Dap gaw Nawku Hpung a sasana shachyam shabra lam hte seng ai grai ahkyak ai ginjaw magam dap langai rai nga ai.
Mungkan Mungdan shagu hta Saradaw nnan ni lata dang da na ra wa yang lajang shachyip ai lam ni galaw nna Wa Sarabyin hpang de tang madun lam galaw ai lit magam hpe mung ndai magam dap kaw nna lit la galaw ai rai nga ai, nga nna Vatican shiga dap kaw ka shana da nga ai.