(4) Lang Ngu Na Myanmar Mungdan Kahtawlik Ramma Ni A Zuphpawng Kaba Galaw Nga

Myanmar Mundan ting na Kahtawlik Ramma ni a hkrumzup bawngban hpawng hte majat hpaji sharin hpawng hpe Thanlyin Mare, San Francis Xavier Nawku Jawng Kaba hta galaw nga ma ai.

Zuphpawng hpe November shata 26 kawn 30 ya shani du hkra 5 ya tup galaw mat na rai nna, zuphpawng laman Youth and new Evangelization,Youth and Personal Development, Youth and family life,Youth and Today Catholic Church,Youth and Peace building ngu ai lawnglam 5 hpe madung da bawngban mat wa na re lam chye lu ai.

Du wa na 2020 Ning hpe Myanmar Mungdan Kahtawlik Nawku Hpung kawn ' Ramma Ni A Shaning" ngu masat da ai hte maren, November 30 ya shani Yangon Saradaw Kaba Cardinal Charles Bo woi awn Missa hkungga nawng ya let Ramma shaning hpe hpaw hpang mat wa na re lam chye lu ai.

"Love your Youthfulness" "Na a brang ram prat hpe tsawra manu shadan nga u"

ngu ai chyum daw (1Tim: 4;12) hpe lashum ga hku manoi let 2020 ning November 30 ya shani du hkra Ramma shaning ladaw ten hpe masat da ma ai.

Ya galaw nga ai n-dai hpawng gaw masum ning hta kalang galaw ai Ramma Poi Kaba n re ai lam NCYC Facebook laika man hta tsun da ai hte maren chye lu ga ai.

Thomas