Shinggyim wuhpung wuhpawng ni gaw kun dinghku kaw nna hpang ai hpe anhte ni dum chye da ra ga ai. Wuhpung wuhpawng gaw kun dinghku law law hpe hpawng da ai rai nga ai hpe dum ga
June 10, bat manga ya shani, vatican Shiga Dap kaw nna ndau ai hta, Wa Sarabyin Francis Dingda Sundan hte Democratic Republic of Congo (DRC) de sa du kawan na nhtoi hpe gan jahkring da ai lam ndau da ma ai.
July 2 – 7 lapran hta dai mundan ni de hkawm sa na aten masat da sai raitim, Wa Sarabyin a hkam ja lam hpe yu gawn taw ai tsi du ni hpyi shawn da ai majaw, gan jahkring da ai re lam chye lu ai.
Ndai zawn tau nau masing jahkrat da ai hpe dawm kau ra ai majaw, Wa Sarabyin Francis gaw, Africa Dan masha ni hpe tawng ban let kade n na yang sa du lu na myit mada ai lam, June 12, laban shani, San Peter Shawa Pa hta Madu a Lamu Kasa Akyu Hpyi Ga tsun ten, bai tsun shana da nga ai.
June 5, Chyoi Pra Ai Wenyi yu hkrat wa ai laban shani, Wa Sarabyin Francis gaw mung shawa masha ni hten run mat na hpe hkum galaw mu, ngu Mungdan Asuya Ningbaw Ningla ni hpe sadi jaw da nga ai.
Ukraine mungdan hpe Russia Asuya ni gasat ai nhtoi latsa (100) hpring lai wa sai rai nna, Hkristan masha ni yawng pu ba ai lam n nga ai sha, matut manoi akyu hpyi ya nga na matu mung saw shaga da nga ai.
Mungdan Asuya ningbaw ningla ni hpe mung, “Chyeju hte mung shawa masha ni hpe hkum jahten mu, hkum zingri mu”, ngu Wa Sarabyin Francis shadum sadi jaw da nga ai.
Ma Shalet Jawng (ECCD) Sharin Saranum ni a Hpung Jat Sharin Hpawng hpe Karuna-Myitkyina Bawngring Magam Dap kaw nna woi awn let Myitkyina Muklum,Lekung lawk San Pawlu Nawku jawng wang hta May (11) ya kawn June (4) ya shani du hkra galaw ai hpung jat sharin hpawng jawng yu lamang hpe a ngwi a pyaw sha galaw la lu sai lam chye lu ai.
St.Camillus Tsi Gawk Bai Hpaw Sai Lam Shana Dat Ai
Myitkyina Saradaw Ginwang Ginjaw Hkamja Dap kawn woi awn let hpaw tawn da ai St. Camillus tsi gawk gaw lai sai ten Myitkyina Aungnan La Boarder hta hpaw da ai hpe ya Khaymar Thiri, Lam Num She (28) de bai htawt sit let tsi gawk bai hpaw da sai rai nga ai.
Alam Bum jau ginwang hta ginwang up jau lit magam hpe galai gun hpai na rai nga ai Wa Jau Luka Kawa Tu Mai hpe ginwang up jau lit magam ap ya ai lamang hpe ( May 21, 2022 ) ya shani Alam Mare na St. Mary nawku jawng kaw galaw la lu sai.
Dai shani na lamang hta Alam Bum Jau Ginwang hta ( 2 ) ning magam gun lai wa sai Wa Jau Paul Kinsa Tu Awng hte ningtau jau magam gun hpai lai wa sai, Wa Jau Peter Bunghku Lawt Naw yan hpe mung jau ginwang hpung masha ni kaw nna chyeju dum shakram ai lam galaw ai.
Myitkyina Saradaw Sasana Hta, Myitkyina Zone Kaw Na No. ( 1 ) Lang Woi Awn Galaw Ai, Ramma Ni A ( Futsal) Gawdin Hte, Ka Din Ginsup Hpan Lahkawng Shingjawng Poi Lamang Hpe, 12-14 May , 2022 Ya Shani Du Hkra, ( 3 ) Ya Tup Galaw Sa Mat Wa Na Lam Chye Lu Ga Ai.
Shingjawng Poi Hta - Myitkyina, Edin, Shatapru, St.Michael, Shadau, Palana, Alam,Tang Hpare ngu ai Jau Ginwang ( 8 ) kaw na ginsup ninghkring Ramma ni law law wa, myit hkrum myitra let, shang lawm ai lamang rai nga ai hpe mung mu mada lu ga ai.
San Joseph Mama wuhpung ni gaw Mawlamyaing kaw ( 1847 ) ning hta Mama marai ( 6 ) shawng du shang wa nna Myanmar Mungdan hta sasana galaw hpang sai rai nga ai.
Wa Saradaw Kaba Cardinal Charles Bo gaw 28 April 2022 ya shani Putoa kaw galaw ai Wa Jau Peter Zang Yaw Hpung a Karai magam gun jau prat ( 25 ) ning hpring Jubali poi sa lawm let bai n htang yu wa ai hkrun lam hta Sumprabum mare na St. Patrick nawku jawng kaw shani shat sha hkring let hpung masha ni hpe shang kawan hkrum shaga ai lam galaw lai wa sai.
Cardinal kawn Sumprabum na hpung masha ni hpe n gun jaw ai mungga hta
Anhte a buga, Jinghpaw Mungdan hte Myanmar ting simsa wa na matu akyu hpyi ra ai.
Sign up to our newsletter and get latest news and updates straight to your inbox!
