Ma Shalet Jawng (ECCD) Sharin Sara Hpung Jat Sharin dabang jawng yu poi galaw lai wa

Ma Shalet Jawng (ECCD) Sharin Saranum ni
Tuesday, June 07, 2022
Ma Shalet Jawng (ECCD) Sharin Saranum ni a Hpung Jat Sharin Hpawng hpe Karuna-Myitkyina Bawngring Magam Dap kaw nna woi awn let Myitkyina Muklum,Lekung lawk San Pawlu Nawku jawng wang hta May (11) ya kawn June (4) ya shani du hkra galaw ai hpung jat sharin hpawng jawng yu lamang hpe a ngwi a pyaw sha galaw la lu sai lam chye lu ai.
Sharin hpawng yu poi lamang hta KMSS-Myitkyina lit hkam Wa Jau Paul Kinsa Tu Awng hkum nan sa du shang lawm nna n gun jaw mungga ni tsun shatsam lai wa sai.
Wa Jau Paul Kinsa Tu Awng tsun ai hta "Ma Shalet Jawng hta ap nawng dawjau ai lam gaw Nawku Hpung a magam bungli langai hku myit la ra ai. Myitkyina Saradaw Sasana kata ECCD Jawng 100 jan hte Jawng Ma yawng 3000 jan ram nga ai. Covid-19 Ana Zinli hte majan a majaw dingyang n matut lu mat ai. Ra rawng ai lam ni hta Ma Kaji ni a matu yawng shang lawm shakut sa wa ga. Ma ni gaw shawng lam amyu mungdan, Nawku Hpung a matu sutgan kaba re" nga nna n'gun jaw mungga shaga lai wa sai.
Ndai sharin hpung jat sharin hpawng hta Lawa, Danai, P.L.N, Shadau, Myitkyina, Mogawng, Monyin, Wai Maw, Lung Hkang, Hpakant, Putao hte Tanghpre Jau Ginwang ni kaw na sharin saranum marai (46) ni sa du sharin hkam la lai wa sai lam chye lu ai.
Tatut shang lawm sharin ya sai Srn. Htang Kai, Srn. Hkaw Lawm (KMSS-Myitkyina ECCD Focal) hte Prat Manu ECD Network saranum ni hte chyeju madu ni yawng hpe chyeju dum masat masa lamang ni hte rau kabu gara awng dang ai hte galaw la lu sai lam chye lu ai.

 

Add new comment

1 + 2 =

Quick Links