Wa Sarabyin Francis A Hkamja Lam A Majaw Dingda Sudan hte Democratic Republic of Congo Hkrunlam Hpe Gan Jahkring Da Ai Shiga

 

June 10, bat manga ya shani, vatican Shiga Dap kaw nna ndau ai hta, Wa Sarabyin Francis Dingda Sundan hte Democratic Republic of Congo (DRC) de sa du kawan na nhtoi hpe gan jahkring da ai lam ndau da ma ai.

July 2 – 7 lapran hta dai mundan ni de hkawm sa na aten masat da sai raitim, Wa Sarabyin a hkam ja lam hpe yu gawn taw ai tsi du ni hpyi shawn da ai majaw, gan jahkring da ai re lam chye lu ai.

Ndai  zawn tau nau masing jahkrat da ai hpe dawm kau ra ai majaw, Wa Sarabyin Francis gaw, Africa Dan masha ni hpe tawng ban let kade n na yang sa du lu na myit mada ai lam, June 12, laban shani, San Peter Shawa Pa hta Madu a Lamu Kasa Akyu Hpyi Ga tsun ten, bai tsun shana da nga ai.

Ndai hkrunlam gaw shi a matu lachyum grai nga na rai tim, shi a hkam ja lam hte seng nna tsi du ni e n sa shi na matu hpyi shawn ai majaw n sa lu ai re lam, lai wa sai bat manga ya shani, the Holy See Press Office a Director Matteo Bruni ndau da ai hte maren n hkawm byin ai re lam chye lu ai.

Shiga madat ni yawng e Wa Sarabyin a hkamja lam matu akyu hpyi ya nga ga.

 

By Fr. Patrick Gawmaw Hkawng Yae

#vaticannews

#rvakachinservice

#popefrancis

https://www.vaticannews.va/en/pope/news/2022-06/pope-francis-postpones-south-sudan-drc-apostolic-visit.html

https://www.vaticannews.va/en/pope/news/2022-06/apologizing-for-postponing-africa-trip-pope-optimistic-to-go.html

 

Add new comment

4 + 12 =