Shiga

“Dai ni gaw Mungkan kaji kawoi ni a nhtoi rai nga ai. Daini gaw kaji kawoi ni hpang sa dam sa hkrum, rau nga rau sha, yu gawn lajang ya nga ga. Dai gaw hpun ru kaw nna asak hte n-gun la nna apu pu si shangun ai zawn rai nga ai,”

July 12, bat lahkawng ya shani, Wa Sarabyin Francis, Poland mundan hta galaw ai Ukrain Kahtawlik Saradaw ni a synod zuphpawng a matu shagun laika ka dat ai hpe, Vatican Shiga Dap kaw nna shiga jaw da ma ai.

Majan tsin-yam hkrum Ukraine hpung masha ni a ntsa yu reng bau sin makawp maga na lit nga ai hte maren, shanhte hte nihtep ai hku nga let n-gun jaw, myit mada shara jaw ga, nga nna n-gun jaw da ai lam chye lu ai.

Myitkyina Diocesan Youth Commission hte Unique-Myanmar Team jawm pawng nna woi awn galaw ai, Myitkyina Saradaw ginwang kata na ramma ni a matu ( Floral Arrangement & Decoration ) mawn sumli hpaji hte seng ai sharin dabang hpe 13.7.2022 ya shani angwi apyaw awng dang ai hte galaw ngut kre la lu sai majaw chyeju dum ai lamang kadun hpe mung daina maga ( 6:00 ) aten saw shaga da ai chyeju madu ni hte rau galaw la lu sai rai nga ai.

Ramma ni a matu mawn sumli hapji hte seng ai sharin dabang galaw ya ai a yaw shada ai lam gaw

Wa Sarabyin: N Jaw, N Ang, N Galaw Ging Ai Lam Ni Hpe N Hkam Sharang Ai Lam Kaman Madang Rai Yang Gaw Jahtuk Shatsawm Ya lam N Lu Ai Ngu Tsun Da Ai

 Reuter Shiga Dap na, Phil Pullella hte (5) lang ngu na hkrum shaga lamang (interview) hta, Wa Sarabyin Francis Shinggyim hkum shan sai kanawn ai lam (pedophilia)  hte seng nna, Nawku Hpung kawn, ladu lai jahprak gasat shalai ai masa hte rai yang gaw, dai hpe jahtuk sharai shatsam ya na gara hku mung n mai byin na re, ngu shadum da nga ai hpe July 8, bat manga ya shani Vatican kaw nna ndau da ma ai.