Myitkyina Jau Ginwang, Shadau Mare E - ga ( 100 ) Sun Wang Hta, Hkai Bawng ( 700 ) Ram Hpe, Ginwang Up Wa Jau - John Galang La Raw Kaw Na Woi Awng Let, Shaning Galu Namsi Hpung Hkai Ai Lam Hpe, Awng Dang Ai Hku Hkai La Lu Sai
June 30, bat mali ya shani, Wa Sarabyin Francis, July Shata Akyu Hpyi Yaw Shada Lam hpe Hpung Shawa masha hpang de ndau da nga ai.
July Akyu Hpyi yaw shada lam gaw sak kung kaji kawoi ni a matu akyu hpyi ya nga na lam rai nga ai. Shanhte a matu akyu hpyi ya ai a marang e, shanhte ni gaw si mani ai sharin sara ni tai na rai nga ai, ngu Wa Sarabyin shadum ai.
May 28, bat kru ya shani, Vatican hta, Mungolia Budda dakkasa Phongyi ni hte hkrum shaga ai shaloi, Wa Sarabyin, shinggyim masha teng yang gaw gumsheng ai lam yawng hpe ninghkap ra ai, ngu tsun da nga ai.
Budda phongyi ni hpe Saradaw Giorgio Marengo, the Apostolic Prefect of Ulaanbaaar, kawn lamang ni hpe lit la hparan lajang shatsawm jahtuk ya ai re lam chye lu ai.
“Kun Dinghku Tsaw Ra Myit Gaw Shaga La Hkrum Lam Hte San Seng San Pra Lam Jaw Ya Ai” ngu Wa Sarabyin madi madun da ai.
Catholic Student Action Myitkyina ( CSAM ) kawn woi awn galaw ai ramma ni a ningbaw ningla hte seng ai sharin hpawng dabang hpe ( June 19 - 25, 2022 ) ya du hkra PLN Clay Center kaw galaw la lu sai rai nga ai.
Wa Sarabyin Francis, Mungdan shagu hte seng ai wuhpung ni Myanmar mung shawa masha ni hpe hkum malap da kau ga, ngu shadum da nga ai. Myanmar mungdan gaw 2021 February 1 ya shani kaw nna Mungdan Daru Magam Ahkang Aya hpe Myanmar Hpyen Dap kawn zing hkang la ai hpang mung shawa masha law law jam jau hkrum nga ma ai hkum yu shalai da kau ga ngu Wa Sarabyin Francis mungdan shagu hte seng ai Wuhpung ni hpe shadum dat ai rai nga ai.
“Mungkan shinggyim kun dinghku hte nga yawng nga pra gaw jahkrit shama ai lam law law hte hkrum sha nga ai ten hta makam hpung yawng shada hkrum shaga bawngban, rau jawm shakut sa wa ra ai,” ngu Wa Sarabyin n-gun jaw da ai.
June 21 ya jahpawt 11:00AM ten Myitkyina Saradaw Sasana,Shatapru jau ginwang, Shatapru San Patrick Lawk,Mali hkanu makau kaw Myitkyina Saradaw Sasana hta asak kaba sai Wa jau ni hkring sa shanu nga na dum nta hpe gawgap hpang na matu shaman ai lamang galaw lai wa sai .
Wa Sarabyin Francis, Ukraine mungdan hta matut manoi byin nga ai majan hpe lawan jahkring na matu shadum da nga ai. Majan hpaw ai ni majan hpe lai len langai hku n galaw na matu sadi jaw da ai rai nga ai.
Sign up to our newsletter and get latest news and updates straight to your inbox!
