Mali Nmai Hka Mazup Madim Tsep Kawp Jahkring Kau Ra Ai Lam Cardinal Charles Bo Tsun N-dau

Mali Nmai Hka Mazup Madim Jahkring Kau Ra Ai Lam Myanmar Mungdan, Kahtawlik  Saradaw Kaba, Cardinal Charles Bo gaw 2019 April Shata 12 ya shani n dau shapraw dat nga ai.

Saradaw Kaba n dau shapraw dat ai lam hta,Mali hka hte N-mai hka lwi hkrat ai shara gaw, Wungpawng Myusha ni a ginru ginsa labau yu hkrat wa ai shara re ai lam, Mali hka mazup Madim dim ai rai yang Jinghpaw wunpawng myu sha ni a ginru ginsa labau shang ai shara ni yawng hten run mat mat wa na rai nga ai lam, Mali Hka nu gaw Myanmar Mungdan ting a matu asak Hka nu rai nga ai hte maren, Mali hka madin dim dat ai rai yang, Mali hka mayan nga pra nga ai Myanmar Mungdan mung chying sha ni yawng grai hkra machyi na teng sha rai nga ai lam, Hka Madin galaw nna, lama wa shingra maka maw ru ni a majaw n myit mada  hka madim hpaw wa ai shaloi masha sen kaba lam si ru mat wa na rai nga ai lam, dai hpe myit yu nna  Mungdan masha ni hkrit tsang let myit n pyaw hkam sha nga ma ai lam ni lawm nga ai.

Cardinal hku nna , ya ten Mungdan hpe woi awn nga ai, Gum san magam Win Myint hpe mung, Mungdan hpaji jaw ninghpum salang Awng San Suu Kyi hpe mung, hpyen dap daju Myin Awng Hlaing hpe mung, Miwa gumsan Mungdan Asuya hpe mung, ndai Mali Hka mazup madim dim ai lam hpe tsep kawp jahkring kau ya na matu Myanmar Mungdan mungchying sha ni yawng a gawng malai, aja awa hpyi lajin ai lam ai lam n dau shana dat nga ai.