Shiga

Nawku Hpung Masha Marai 240 Tup N-gun Shaja Sacrementu Hkam La Lu
Friday, September 06, 2019

Myitkyina Jau Ginwang Kata, Ginwang Up Jau Dr.Peter Hka Awng Tu A Matsun Madun Ai A Npu Hta, Sara Gai Wang 19 Kaw Nga Ai Nawku Hpung Masha Kaji Kaba Yawng Marai 240 Tup Gaw, Shata Lahkawng Tup Lawk Kata Hta, Tau Nau Hkyen Lajang Sharin ya Ai Lam Ni Galaw Let,Sept 6, Laban 5 Ya Jahpawt 8:00am Ten Wasaradaw Francis Daw Tang A Lata Hta, Ginwang Up Jau Dr.Peter Hka Awng Tu, Wajau Lazing Naw Awng ( Eamon ) Ni Shang Lawm Let, Missa Hkungga Nawng Ya Let, N-gun Shaja Sacrementu Hpe Hkam La Lu Sai Rai Nga Ai..Ndai Hta, Prat Nnan Gaw Gap Ginra Hta, Tsi Tsi Hkam Nga Ai Jawng Ma Marai 12 Shang Lawm Nga

Wa Sarabyin Francis Mozambique Mungdan Hta Du Nga
Friday, September 06, 2019

Africa dan Mungdan ni rai nga ai Mozambique, Madagascar hte Mauritius Mungdan masum de du gawan na hkawm sa nga ai Wa sarabyin Fracis, bat masum ya, Sept praw 4 ya shana maga daw hta, Mozambique mungdana de du shang wa sai rai nga ai.

 (31) Lang Ngu Na Mai Gan Hkrun Lam Hpe Nu Maria Kaw Ap Ya Ai Lam Wa Sarabyin Galaw Lai Wa
Thursday, September 05, 2019

(31) lang ngu na mai gan mungdan de du gawan sa na hkrun lam lamang ma hkra hpe Nu Maria kaw ap ya ai lam galaw na matu, September praw (3) ya jahpawt Roma mare na St. Mary Major Nawku htingnu kaba de sa du akyu hpyi ai lam Wa Sarabyin Francis galaw lai wa ai.

Vatican shiga dap kaw nna ndau shapraw dat ai shiga hta, mai gan Mungdan hkrun lam sa hkyen yang galoi mung galaw nga ai zawn, St. Mary Major nawku htingnu kaba de sa nna Nu Maria a man hta sa du akyu hpyi let hkrun lam lamang ma hkra hpe Nu Maria kaw ap ya ai lam bat lahkawng ya jahpawt Wa Sarabyin Francis galaw lai wa ai.

Africa Mungdan Masum De Gawan Na Matu Wa Wara Byin Francis Vatican Kaw Na Rawt
Wednesday, September 04, 2019

Sinpraw Africa Mungdan ni rai nga ai Mozambique, Madagascar hte Mauritius Mungdan ni de September 4-10 ya laman sa du gawan na rai nna, shi du nga ai laman Mozambique hta shara 5 , Madagascar hta shara 8 hte Mauritius kaw 2 lang mungga hkaw tsun shaga na rai nna, Mungdan ningbaw ningla ni, Nawku Hpung magam gun ni hte hkrum shaga ai lam ni galaw mat wa na re ai lam chye lu ai.

Wai Maw Myo Kata, Madang Nga Gat N-nan Langai Kahtap Gawgap Sa Wa Na
Wednesday, September 04, 2019

Jinghpaw Mungdaw, wai maw myo, lawk 2, Htauk Pu ngu ai shara hta, gat n-nan langi bai gaw gap sa wa na re lam Jinhpaw mungdw, mare gawn hkan wupung a hking mang Sl. Nawli kaw na ya na zawn hpaw tsun da nga ai. Wai Maw ning htawn kata, gaw gap jat ai gat hpe, jinghpaw mungdaw asuya a ahkaw ahkang the, myitkyina nyiakomya company kaw na arang bang let,dai gat ginra nta hpe gaw gap sa wa na rai nga ai hpe mung, shiga dap de tara shang ndau shana shabra dat ai lam mung rai nga ai.

Simsa Lam A Matu Hongkong Nawku Jawng Dingsi Ni Dum Lai Wa
Tuesday, September 03, 2019

Hongkong zinlawng hta, Democracy a matu shawa n-gun madun shakut nga ai masha hpawng hte Shimlam pyada ni a lapran adawt kasat hkat ai lam ni matut manoi byin nga ai majaw simsa lam akyu hpyi na matu Hongkong zinlawng ting na Nawku jawng dingsi ni hpe dum shangoi ai lam lai wa sai laban, September praw langai ya shani galaw lai wa ma ai.

Majan Lapran Si Sum Sai Ni A Moi Mang Makoi Mayang Poi Lamng Galaw Lai Wa
Tuesday, September 03, 2019

Makoi Mayang Poi de Kuthkai Ginwang kaw na Hpung Sara marai 36 hte shawa masha 1500 ram hte sa du akyu hpyi lawm ma ai lam chye lu ai. Kuthkai Mare hte ni ai Mare kahtawng hkan na Buga Hpung masha ni makoi mayang ai shara de sa du lawm na matu galaw ai raitim, pat shingdang da ai lam ni nga ai majaw n lu sa lawm lu ai lam buga masha ni tsun ai hte maren chye lu ai.

Cardinal Nnan Marai 13 Bai Shatai Na Lam Wa Sarabyin Ndau Shana
Tuesday, September 03, 2019

Nawku hpung a sasana magam bungli a matu Carninal nnan marai 13 bai shatai na lam Wa Sarabyin Francis ndau shana dat nga ai. September praw 1, laban shani, San Peter pa kaba hta, shani ka-ang Angelus akyu hpyi ngut ai hpang ya na zawn ndau shana dat ai lam rai nga ai.

Methodist nawku hpung hte Waldensian nawku hpung ni ginlung galaw nga ai hkumra hpawng kaba de Wa sarabyin shakram mungga shagun jaw dat nga ai shiga
Thursday, August 29, 2019

Methodist nawku hpung hte Waldensian nawku hpung ni ginlung galaw nga ai hkumra hpawng kaba de Wa sarabyin shakram mungga shagun jaw dat nga ai shiga

Amazone Maling Gaw Asak Daram Ahkyak Ai Nga Nna Wa Sarabyim Tsun Nga Ai shiga
Tuesday, August 27, 2019

 

“Amazon ginra hta hkru hkat nga ai sharaw wan kaba hpe yawng jawm shang lawm nna jawm shazim shamyit lam galaw ai rai yang, sat shamyit kau lu na re, Amazon maling gaw mungkan ga a sinwawp maling rai a majaw mungkan ga a matu asak daram ahkyak ai,” nga nna laban shani, shani ka-ang Angelus akyu hpyi woi ai aten, Wa Sarabyin tsun dat nga ai.

Quick Links