Lai wa sai nhtoi 14-15/4/2021 ya shani Ma Ma kaba Jacinta Mangshang Bawm Wawn a Karai sasana magam gun shaning (50) ning hpring Ja Jubilee hte Deacon Martin Lashi Brang San Awng, Deacon Paul Kareng La Tawng yan a Htani Htana Jau Aya hkam poi hpe Lashio Saradaw Ginwang, Kawng Hka Jau Aseng, Kawng Hka Mare hta galaw lai wa sai.
April 25, 2021, “Mission Sunday” Sasana Laban shani, San Peter Nawku Htingnu hta, jahpawt hkying 9:00 a.m, aten Decan marai (9) hpe Jau shatai Misa hkungga hpe Wa Sarabyin Francis woi awn na re lam chye lu ai.
Jau shatai Misa Hkungga hpe Vatican Media, Telepace, Tv2000 hte Roma Saradaw Ginwang a Facebook page ni hta live shapoi na re lam mung ndau da ma ai.
Lamang hpe gaw Covid-19 makawp matsun hte maren galaw sa wa na re lam mung “the Press Office of the Vicariate of Rome kaw nna ndau da ma ai.
Myitkyina Saradaw Sasana hta na Wa Jau kaba Msgr.Francis Zukdaw Lum Dau a Karai Magam gun jau prat (50) ning hpring chyeju dum Ja Jubali Poi kaba hpe Myitkyina jau ginwang San Columban Nawku jawng Aung Nan hta April (20) ya shani galaw lai wa sai.Ndai Wa Jau kaba Msgr. Francis Zukdaw Lum Dau a Karai magam gun Ja jubali poi hta Wa Saradaw Francis Daw Tang hte Wa Jau ni,uhpung shagu na Mama ni,Tara Hkaw Sara/num ni,jinghku jingyu ni hte Nawku hpung masha 700 jan sa du kabu shanglawm lai wa sai re.
Manmaw Sasana, Manmaw Jau Aseng Deng (2) Aung Tha kaw Karai Magam Gun nga ai, Ma Ma Kaba Teresa Nelly Amyaw a Karai Magam Gun (25) Ning Hpring ai Gumhpraw Jubilee Chyeju Dum Shakawn Shagrau ai Misa Hkungga hpe San Bridget Nawku Jawng kaw Kabu Gara Awng Dang ai hku galaw la lu sai. Ma Ma Kaba Ngwi Pyaw Hkamja let, Sasana magam hpe gun hpai lu u ga, akyu hpyi garum myit dum shakram dat ga ai.
21 April, 2021. ( Wed)
Nawku Jawng gaw gap hpang ai gaw 2019, September shata kawn gaw gap hpang wa nna, 2021 April 17 ya shani ding shawn shang akyu hpyi shaman ai lam galaw lai wa sai rai nga ai.
Mungdan nsim sa ai lapran awngdang ai hte hpaw la lu sai Lawng Hkawng Jau Ginwang Ningnan rai nga ai.
Myitkyina Sasana, Lawng Hkang Jau Ginwang ningnan hpe 2021 April shata 10 ya shani hpaw ninghtan la lu sai re.
Mayak lam amyu amyu lapran hta Jau Ginwang lu na matu atsam dat shakut ai Lawng Hkang Hpung masha ni a awng padang, kabu gara ai nhtoi rai nga ai.
Shinggyim masha shagu gaw rawt jat galu kaba wa na ahkaw ahkang nga ai rai nna, npawt rudi ai shinggyim ahkaw ahkang hpe gara mungdan na kadai mung pat shingdang ya n mai ai.
Adwi ni tsun ai Karai Kasang hpe sumtsaw tsaw ya ai gaw Wa Jau Brang Awng re da
Anhte gaw makam masham hpung shada langai sha rai nga ai ni rai ga ai.
Chihpwi Jau Ginwang, Pang Wa Sara Zone na Chang Yin Hku Mare hta gaw gap la lu sai St.Vincent De Paul Nawku Jawng nnan ding shawn poi hpe ( 7-4-2021 )ya shani Wa Saradaw Francis Daw Tang hte Wa Jau, Mama ni,tara hkaw sara/ma ni,shara shagu na nawku hpung masha ni law law sa du let kabu gara awng dang ai hte galaw la lu sai.
Sign up to our newsletter and get latest news and updates straight to your inbox!
