(2021-2022) Ning Na Hpaji Ladaw, Mai Ja Yang kaw jawng lung na jawng ma ni a matu Misa hkungga nawng akyu hpyi ya ai lamang hte 2020 ning hta Tsang (10) awng ai jawng ma ni hpe shagrau ai lamang hpe Mai Ja Yang Muk Lum San Pio Sara ninghtawn hta 12.6.21 bat kru ya shani galaw lu sai lam chye lu ai.
Yinnam Ta Ten Hta,Lamu Marang A Majaw Nawku Jawng Wang Kata Hka Ung Nna, Hkawm Sa Hkawm Wa Npyaw Ai Majaw(14.6.2021) Ya Shani Kaw Na Galaw Hpang Nga Ga Ai Re
Myitkyina San Columban Shawng Kaw, Ginwang Up Jau John Galang La Raw Woi Awn Nna,( နိုင်လွန် ကတ္တရာ) Kattaya Lam Galaw Nga Ga Ai,
Mungkan ga bai tsit tsawm wa na matu Wa Sarabyin Francis a matsun laika rai nga ai Laudato Si hpe madi shadaw ai hku nna kabu gara hpun hkai hpang ai hpe Myitkyina Saradaw ginwang hta nawku hpung woi galaw nga sai. 2021 ning June shata 12,bat 6 ya shani Myitkyina Saradaw Ginwang,Aung Myin Thar mare na Nawku hpung madu ai sun wang hta shaning galu hpun hpan rai nga ai (Man Jan Charle ) ngu ai hpun bawng ( 11000 ) mi hpe masing jahkrat hkai hpang da sai rai nga ai.Matut nna Masala hpun ( 1000 ) mi hpe mung hkai jat mat wa na rai nga ai.
June 9, bat masum ya shani, hpung shawa masha ni hte hkrum shaga ai ten, Jau ni a sasana magam hta hkungran dinghku de sai ni hte kun dinghku masha ni hpe shang lawm shangun na gaw grai ahkyak na re ngu, “Apostolic Exhortation amoris Laetitia” hpe sumru let tsun shadum da nga ai.
June 9, bat masum ya shani, hpung shawa masha ni hte hkrum shaga ai ten, Jau ni a sasana magam hta hkungran dinghku de sai ni hte kun dinghku masha ni hpe shang lawm shangun na gaw grai ahkyak na re ngu, “Apostolic Exhortation amoris Laetitia” hpe sumru let tsun shadum da nga ai.
2021 June 5 ya, Mungkan makau group yin masa nhtoi shani Mali Nmai Zup, Tanghpre kaw shanu nga ai Mare masha ni hpun hkai ai lamang galaw lai wa ma ai.
"Jahpawt hkying 8AM aten kaw nna shani ka-ang ai hkying 12 du hkra hkai ai , Nam Pan hpun hte shaning galu hpun ni madung hkai ai re" nga nna dai kaw shang lawm ai langai tsun lai wa ai.
Loikaw Saradaw Ginwang kata, Myanmar Hpyen hpung ni e amyawk laknak kaba hte gap jahten ai masum ngu na Nawku Jawng tai wa sai “Mary Queen of Peace” Nawku Jawng hpe June 6, laban ya shani gap jahten ya ai re lam chye lu ai.
Nawku Jawng n mai jai lang na daram hten run mat ai rai nna, chyinghka ni yawng ngu na daram ga ayai mat ai lam chye lu ai raitim, masha hkala ai lam gaw n nga shi ai lam chye lu ai.
Kamsham ai shinggyim num, la ni yawng simsa la a matu bat lahkawng ya shani, hkying langai aten hta minute mi zim sha nga nna, tinang a makam htung lai hte maren, Chyoi Pra Buga (Holy Land) hte Myanmar mungdan simsa wa u ga matu akyu hpyi ga ngu, bat lahkawng ya jahpawt, Wa Sarabyin Francis shi a tweet account kawn saw shaga da lai wa ai rai nga ai.
“Daining gaw masha hkum shagu a myit masin hta Myanmar mungdan a matu madung yaw shada akyu hpyi na matu laksan shalawm da ai rai nga ai”
Jinghpaw Mung a mying gumhkawng ai shara shara langai rai nga ai Tanghpre mare na nawku hpung sun wang hpe makawp maga na matu gaw gap masing hpe galaw hpang taw sai rai nga ai.
“Hkungran Ta Matut Ai A Tsawm Htap Lam” ngu ai ga baw hte, June 1 ya shani, Vatican Shiga Dap kaw nna “Wa Sarabyin Francis a June shata na akyu hpyi yaw shada lam” hpe ndau shana da ma ai. June shata hta hkungran ta matut hkam la na shajin shachyip nga ai masha shagu a matu akyu hpyi ya nga ga; dai gaw masin salum kaw nna prut pru wa ai shaga la hkrum ai lam nan rai nga ai, ngu Wa Sarabyin Francis sang lang ga hte rau saw shaga da nga ai.
Sign up to our newsletter and get latest news and updates straight to your inbox!
