Shiga

Myanmar mungdan hta Covid-19 kap bra ana zinli numdaw (3) lang hku nna n-gun kaba hte laja lana chyam bra wa ai majaw Mung masha law law jam jau hkrum sha nga ma ai.

Mung masa mayak lam ni byin wa nna makawp maga tsi tau hkrau n lu htu ai hte ana zinli n byin hkra makawp maga lai ladat ni jai lang let jawm ninghkap ti mung ya ten hta Mungdan kata shara shagu Mare Kahtawng shagu ngu na daram hta covid ana kap hkrum masha law wa  nna asak si sum ai ni law law nga ai lam chye lu ai.

Wa Sarabyin Francis a ga tsi tsi lajang ai lam tsep kawp bai mai tsai wa lu na matu shi tsi tsi lajang nga ai Roma kaw na Agostino Gemelli tsi rung hta nhtoi lahkawng masum ya naw rawng nga ra na re lam chye lu ai.

Wa Sarbyin a Pudung kan gyip ana  ga tsi lajang ai lam (post-surgical operation) awng dang sai raitim, kaja dik ai hku matut tsi lajang lu na matu hte atsawm sha bran wa lu na matu tsi rung kaw n htoi kadun naw nga ra na re nga nna Vatican kaw na tsun na ahkaw ahkang nga ai Matteo Bruni tsun ai hte maren chye lu ai.

Wa Sarabyin Francis gaw Wa Jau Martin a sagurem magam hta myit lawm hkum lawm shakut shaja ai hpe mung shakawn shagrau let sagu hpung masha ni yawng a matu mung akyu hpyi ya nga ai lam matut tsun da nga ai.

Wa Sarabyin Francis a Pudung kan gyip ana (a diverticular stenosis of the colon) hpe ga, tsi lajang ai hpe laban shana daw maga angwi apyaw hte tsi lajang la lu sai lam “the Holy See Press Office” a director, Matteo Bruni ndau shana ya ai.