Nawku Hpung hta shaga la hkrum ai gaw sasana majan je na matu rai nga ai; Nawku Hpung a “identity” sakse kumla hkrang nan mung rai nga ai “evangelization” sasana majan je ai lam rai nga ai, ngu Wa Sarabyin, Hkrang mu nsen na video message hta tsun ndau da nga ai.
Myitkyina Sasana hta galaw taw nga Covid-19 Makawp Ninghkap magam bungli ni grau masan sa ai hku galaw lu na matu seng ang ai Nawku Hpung ningbaw ningla ni hte ta tut magam bungli galaw nga ai Tsi Sara Kaba ni hkrum zup bawng ban ai hpawng hpe August 5, 2021 ya shana maga galaw ai lam chye lu ai.
Myitkyina hta Covid-19 ana kap bra ai lam laja lana byin wa nga ai hte maren machyi masha ni lani hte lani law wa ai majaw Covid-19 Care Center langai hte langai matut mahkai let gara hku tsi lajang makawp maga mat wa na ngu ai lam hpe bawng ban lai wa sai lam chye lu ai.
Myitkyina Sasana Kahtawlik Nawku Hpung kawn Covid -19 ana kap hkrum nna yak hkak nga ai ni hpe hkye mawai, garum shingtau ya lu na matu tsi gawk hte laksan ginra,shara masum hpe hpaw ninghtan da sai.
Myitkyina, Edin San Luka Chyum Jawng, St.Luke's Covid Response Team hpe hpaw ninghtan let Covid-19 ana zinli makawp ninghkap magam bungli ni hpe galaw nga ai lam chye lu ga ai.
Ya aten Covid-19 kap bra ana zinli gaw Myitkyina Mare shara shagu hta lani hte lani laja lana grau grau kap bra byin nga wa sai re majaw
Edin, Jan Mai Kawng hte Aye Mya Thar kaw nga ai hpung shawa masha ni yawng hpe ni htep ai hku garum ya lu na matu St.Luke's Covid-19 Response Working Team hpe hpaw dat ai re lam chye lu ai.
Hiroshima hte Nagasaki hta neuclear hta bawm kapaw ai majaw n nga mat sai wenyi ni hte dai tsi-yam hkrum sha nga ai ni a matu laksan akyu hpyi nhtoi hpe August 6-15 lapran masat akyu hpyi sa wa na matu Janpann Mungdan Nawku Hpung masha ni masat da ma ai lam July 27 ya shani Vatican Shiga Dap kaw nna ndau da ma ai.
Hkristan masha ni gaw myit mada shara hte galum kahkyin gumding lam a matu shaga la hkrum ai ni rai ga ai. Hkrungrawt sai Yesu Madu gaw Shi a sape ni hte prat htum ten du hkra rau rai nga ai (Mt 28:20) zawn shanhte hte mung rau rai nga ai hpe kam sham myit kaba tawn da ga, ngu Wa Sarabyin Francis tsun n-gun jaw da nga ai.
Ya Na Zawn Hpaw Ninghtan Galaw Ai Lam Hta, Masing Masa ( 5 ) Yaw Shada Tawn Let, Galaw Sa Mat Wa Na Lam
Covid- 19 Ana Machyi Hkrum Nga Ai Hte Machyi Masha Ni A Matu, Nawku Hpung Kaw Na, Wenyi Lam A Matu, Akyu Sa Hpyi Ya Na Matu, Lak San Jau Ni Shatsam Da Ai Lam
Ya Ten Ndai Covid Treatment Center Hta Myitkyina Sasana Kata Kaw Shanu Nga Ai DYC Ramma Marai ( 40 ) Ap Nawng Daw Jau Nga Ai Lam
Lit La Tsi Lajang Ya Nga Ai Dr, Hein Htet Ko Ko A, Gara Hku Ladat Ni Hte, Tsi Gawn Lajang Sa Mat Wa Na Lam Ni Hpe Hkap Madat La Yu Ga
Myanmar Mungdan Hpyen Gumshen Uphkang Asuya Kawn Covid ana kap bra ai lam hpe atsawm yu reng hparan tsi gawn lajang ya lu ai lam nnga ai majaw Mung masha ni Covid-19 ninghkap lu na matu masat da ai tara ni hpe tup hkrak hkan sa let sadi maja nga na matu Wunpang Mungdan Shanglawt Asuya, Sinna Ginwang Jingjaw, Mungchying Uphkang Dap Sumbwi Yang Ginwang Uphkang Rung kawn July shata 26 ya shani ndau laika shale da nga ai.
1. Yaten Mungkan ting byin nga ai Covid-19 kap bra ana zinli gaw Myen Mungdan
July 21, 2021
Myanmar Mungdan kata na Kahtawlik Nawku Hpung masha ni hte rau rai nga ai hpe madun dan ai Philippine Mungdan Kahtawlik Hpung masha ni hpe Myanmar Mungdan Kahtawlik Nawku Hpung a Hpa-Awn Ningbaw, Cardinal Charles Bo chyeju dum ai lam tsun da ai hpe July 21 bat masum ya shani, Licas News Website kaw ndau da ma ai.
Friars Minor Sasana Hpung Ni Hpe Wa Sarabyin N-Gun Jaw:
“Franciscan Order of Friars Minor” Asisi kaw na San Francis a kasi ningli hpe hkan nang let ap nawng sasana galaw ai hpung ni a zuphpawng kaw shang lawm ai ni hpang de Wa Sarabyin Francis, hkrang mu nsen, Video message hpe July 17 ya shani shagun dat ai lam dai shani na Vatican Shiga hta ndau da ma ai.
Sign up to our newsletter and get latest news and updates straight to your inbox!
