Wa Sarabyin: Karai Kasang Gaw Kawa Langai A Myit Masin Hte Anhte Yawng Kaw Ni Htep Ai Hku Du Sa Ai Nga N na Tsun Ai

Wa Sarabyin: Karai Kasang Gaw Kawa Langai A Myit Masin Hte Anhte Yawng Kaw Ni Htep Ai Hku Du Sa Ai

  Ndai mungga hpe LGBTQ wuhpung hpe woi awn taw nga ai Wa Jau James Martin, SJ hpang de shagun dat ai laika hta tsun da ai re lam June 27 ya shani, Vatican Shiga Dap kaw nna ndau da ma ai.

  Karai Kasang gaw Shi a kasha langai hpra kaw tsawra myit kaba hte ni htep ai hku sa du nga ai. Shi a masin salum hpe masha hkum shagu a matu chyinhka hpaw da ya ai; Shi gaw kaja dik htum kawa rai nga ai, ngu Wa Sarabyin tsun da nga ai.

  Ndai laika hpe Shi a  Twitter feed kaw Laban shani mara da ai rai nga ai.

  “Karai Kasang gaw yawng hte ni htep ai hku nga ai wa, matsan dum lama ai wa, si mani ai wa rai nga ai. Dai myit masin hte anhte marai hkum shagu kaw du sa nga ai; nanhte a sagu rem magam hpe sumru let Karai Kasang a myit masin hpe nanhte ni tam shagawn, hkawm sa nga ai hpe mu lu nngai; Karai Kasang gaw shinggyim num sha, shinggyim la sha ni a matu re ai zawn Nang mung shinggyim num, shinggyim la yawng a matu Jau rai nga ndai; Ndai myit masin hte matut hkawm sa let yawng hte ni hte ai hku nga lu u ga akyu hpyi ya nngai,” ngu nna Wa Sarabyin matut shadum n-gun jaw da nga ai.

  Wa Sarabyin Francis gaw Wa Jau Martin a sagurem magam hta myit lawm hkum lawm shakut shaja ai hpe mung shakawn shagrau let sagu hpung masha ni yawng a matu mung akyu hpyi ya nga ai lam matut tsun da nga ai.

Source; Vatican News

By Fr. Patrick Gawmaw Hkawng Yae

#vaticannews

#rvakachinservice