Shiga

(35) Lang ngu na Myitkyina Jau Ginwang Kanu Num Ni a ‘Chye Ju Dum Alu Sak Jaw ai hpawng Lamang ‘ Galaw

Ban langai hte langai lapran matut hkri shawn lam ahkyak ai ngu ai masa hpe madi madun lam galaw da ai laika buk nnan hpe ya ndai October shata 23 ya shani Roma Mare na Augustine Dekkasu Jawng kaba hta galaw na rai nga ai, ndai laika buk nnan shachyen shabra ai aten masa gaw, Ramma ni hte seng nna bawng ban lam galaw nga ai Saradaw kaba ni a hkumra hpawng galaw nga ai aten hte mung wa kadup rai nga ai.

Nbung ai Mungdan ni hta, nbung ai mabyin masa ni hte nga pra nga ai ma raitim, ramma ni a hkam sha, ra sharawng ai lam ni gaw maren rai nga ma ai, shanhte hpe madat ya na, shanhte galaw lu ai lam ni hpe galaw shapraw lu na ahkang jaw ya na hte, shanhte hpe kam hpa lam madun jaw na hpe ramma ni ra sharawng nga ma ai, nga nna hkrumra hpawng hte seng nna shiga dap ni de tsun sang lang ai lam galaw ai hta India mungdan na Cardinla Gracisa tsun dat nga ai.  

Myitkyina gat kaba 1 hte 2 lapran shaning law law dut nga ai shana gat ni hpe galoi n dut na matu hte shara htawt shangun sai re lam chye lu ai.

Dai gat kaba ni hta mi hprap wan ni lu sai re majaw, wan a majaw byin wa mai ai manghkang lam ni hpe makawp maga lu na matu, wan sat maw daw ni loi loi hte hkawm sa lu na matu dai lam mayan gat dut nga ai masha ni hpe htawt sit na matu September 25 ya shani n-dau da sai hte 2018 October shata praw 1 ya shani hpang jahtum htawt sit na matu matsun jahkrat ai  re lam chye lu ai.