Synod hta bawng ban nga ai lam ni hte seng nna Saradaw ni tsin hti dan lam galaw

Ramma ni hte seng ai Saradaw ni a hkumra hpawng hta bawng ban nga ai lam ni hte seng nna shiga dap ni de tsun sang lang lam galaw ai hta, “Nang hpam malu masha mang hkang hte ramma ni zingri zingrat hkrum ai lam hte seng ai lam hpe tsun shaga bawng ban ai lam n gun yawm ai,” ng nna Saradaw nit sun dat nga ma ai.     

Brazil Mungdan Saradaw kaba Jaime Spengler tsun ai hta, “hkumra hpawng hta ga baw law law hte seng nna tsun shaga bawng ban lam galaw ga ai, raitim mung, nang hpam malu masha mang hkang ga baw hte seng nna pu pu le le tsun shaga bawng ban ai lam nnga ai, nang hpam malu masha mang hkang a majaw Brazil Mungdan hta masha law law jam jau hkrum nga ai, Syria Mungdan majan a majaw si hkrum ai masha jahpan hta, Brazil Mungdan hta nang hpam malu masha a majaw si hkrum ai masha jahpan gaw grau law nga ai, ngu ai lam mung myit yu hpa lam rai nga ai” nga nna Brazil Mungdan Saradaw kaba tsun dat nga ai.  

Iraq Mungdan kaw nna du sa ai Chaldean Saradaw ni yawng a hpa-awn ning baw rai nga ai Cardinal Louis Raphael tsun ai hta gaw, “hkumra hpawng hta ramma ni hte seng ai ga baw law law hpe tsun bawng ban lam galaw nga ga ai raitim, zingri zingrat hkrum nga ai Hkristian ramma ni hte seng ai ga baw nlawm nga ai, Hkristian ramma ni shanhte shanu nga ai shara hta matut shanu nga pra nga lu hkra Mungkan Mungdan ning baw ni hku nna garum lajang ya ai lam ni galaw ya ra ai, ga shadawn Iraq Mungdan zawn re ai shara hta Hkristian ni tsep kawp nnga mat wa ai masa byin nga ai hpe yu shalai nga ai lam gaw mara kaba nan rai nga ai, Hungary Mungdan hku nna chyawm gaw, Iraq hte Syria Mungdan hta Hkristian ni matut shanu nga pra nga lu hkra Dum n-ta, Nawku Jawng, hpaji sharin jawng ni hte dum nta ni gaw gap garum ya ai lam law law garum ya nga ai, ramma ni a myit mada ra sharawng ai lam, shanhte a myit tsang nga ai lam ni hpe madat ya ai lam galaw ya na matu Saradaw ni hte jau ni hta lit kaba nga nga mali ai, jahtum du hkra sadi dung ai lam mahkpoi nlu galaw nhten ngu ai hkrit tsang myit ni a majaw ramma ni hku nna Jau Ma Ma tai na myit daw dan n-gwi nga ma ai zawn ding hku shang sha na matu mung myit daw dan na matu n-gwi byin nga ma ai” nga nna Cardainal Louis Raphael shiga dap ni de tsun dat nga ai lam Vatican shiga dap kaw nna shana dat nga ma ai.  

Source : Vatican News