Shana Gat Shara Htawt Sit Shangun Ai Majaw, Gat Dut Ai Ni Mayak Hkrum Nga

Myitkyina gat kaba 1 hte 2 lapran shaning law law dut nga ai shana gat ni hpe galoi n dut na matu hte shara htawt shangun sai re lam chye lu ai.

Dai gat kaba ni hta mi hprap wan ni lu sai re majaw, wan a majaw byin wa mai ai manghkang lam ni hpe makawp maga lu na matu, wan sat maw daw ni loi loi hte hkawm sa lu na matu dai lam mayan gat dut nga ai masha ni hpe htawt sit na matu September 25 ya shani n-dau da sai hte 2018 October shata praw 1 ya shani hpang jahtum htawt sit na matu matsun jahkrat ai  re lam chye lu ai.

Htawt sit shangun ai shara gaw ,gat kaba a dingdung maga nga ai Khaye Pyin Lam maga de rai nna,dai shara kaw mi kaw na dut taw nga ai gat dut masha ni hte ya nnan htawt sit wa ai gat dut masha ni a lapran shara n law ai manghkang ni byin wa ai hta sha n-ga,nkau dum n ta masha ni a chyinghka pat wa ai masa ni a majaw gat dut na ahkaw ahkang ni yawm wa nga ai .

Dut ai rai ni mung nam law nam lap ni re ai majaw sum mat ai lam ni mung nga nna,dai ni galaw daini sha re ai gat dut masha ni  matu n-myit ya ai sha galaw ai lam re nga nna gat dut masha ni tsun nga ma ai lam chye lu ai.

Source : Myitkyina News Journal