Wa Sarabyim A Chyoipra Bat Laban Magam Hte Seng Ai Mungga ( Church News )

Wa Sarabyin Francis gaw mungdan shagu chyam bra nga ai Coronavirus ana zingli a majaw Chyoi Pra laban bat magam Nawku dawjau lamang hpe shawoi na hte nbung ai hku shajing shachyip ra nga ai Mungkan shara shagu kaw na Hkristan masha ni hpe Video sumla hkrung kawn shi a mungga hpe shalai ya ai.

April shata praw 3 ya shana de daw maga Wa Sarabyin gaw “Dai na daw maga hta nu wa ni dum nta de shang na matu shawoi na hte nbung ai ahkaw ahkang lam yan hpe lu la ai rai sai.” nga tsun hpang da nga ai.

Ndai Chyoi Pra laban bat magam Nawku dawjau magam hta Covid- 19 a majaw masha law law mayak mang hkang hpe gara hku hkrum sha nga na ma ai hpe sumru hkam sha chye na ya nngai nga nna Wa Sarabyin tsun da nga ai hpe chye lu ga ai.

Ma ni hte sak ram ramma ni tinang a dum nta kaw nga shakut ra taw ai lam bai nna sak kaba sai ni mung ndai zawn mayak hpe hkrum sha nga ra ai lam hpe sumru hkam sha myit npyaw ya nga ai lam mung matut tsun da nga ai.

Shi tsun ai “kun dinghku dum nta masha shagu ngai na masin salum hta nga nga ai.” Grau nna coronavirus hte kaga mayak lam ni a majaw ting hkrai machyi hkam sha nga ai ni hpe shi a myit masin salum hta kyem da nngai nga nna Wa Sarabyin gaw shi hta hkam sha nga ai hpe matut tsun da nga ai.

Bai nna mung ndai chyam bra nga ai ana zingli a majaw tsimyam hkrum hkra nga ai ni hpe tsi lajang na matu wuhpung wuhpawng ni hpe shawang tsawra myit kaba hte garum shingtau ya nga ai chyeju madu “Share Ninghkring” ni hpe mung yu n gun lu arawng la ai lam Wa Sarabyin matut tsun da nga ai.

Matut nna mung Wa Sarabyin Francis gaw Hkyuk htawng rawng ra nna, tinang hkum nan a matu mung tinang dum nta masha ni a matu mung kan bau magam lam a matu ja gumhpaw mayak hkrum nga ai ni hte dum nta nlu ai hta shyim lam nnga ai ni yawng a matu mung myit tsang ya nga ai lam tsun da nga ai.

Dai zawn yak hkak nga ai ni hpe garum shingtau ya ai lam gaw tsawra myit hpe hkrang shapraw madun dan ai; tsawra myit hpe ladat nnan hku hpaw hpang ai rai nga ai majaw shiga na la lu ai ni mung Wa Sarabyin a hkam sha lam hta jawm pawng let ta tut hta tsawra myit madun hkrang nnan ni hta hkawm sa lu mu ga yaw shada let Vatican shiga dap kawn April shata praw 3 ya shani shana ndau da ai hpe RVA Kachin Service kawn shalai ndau shana shabra dat ga ai.

Source : Vatican News

#churchnews

#rvakachinservice