Wa Sarabyin Francis, Canada Hkrun Lam, Nbungli Ntsa Kaw, Sak Kung Kaji Kawoi Ni A Poi Nhtoi Hpe Myit Dum Nga Ai Lam Tsun

Wa Sarabyin Francis gaw, July 24, laban shani, Canada de hpung kawan masing hte hkrun lam hkawm nga sai rai nga ai.

Ndai hkrun lam hkawm hpang ai shani gaw, Wa Sarabyin Francis masat da ai, “World Day for Grandparents and the Elderly” “Mungkan kaji kawoi ni a poi nhtoi” ang ai rai nga ai.

2021 shaning kaw nna galaw hpang ai “Mungkan Kaji Kawoi Ni A Poi” nhtoi hpe, shaning shagu, July shata na mali ngu na laban hta galaw ai rai nna, daining, 2022 shaning gaw July 24 ya shani ang ai rai nga ai.

“Dai ni gaw Mungkan kaji kawoi ni a nhtoi rai nga ai. Daini gaw kaji kawoi ni hpang sa dam sa hkrum, rau nga rau sha, yu gawn lajang ya nga ga. Dai gaw hpun ru kaw nna asak hte n-gun la nna apu pu si shangun ai zawn rai nga ai,” ngu Wa Sarabyin, ga shadawn hte n-gun jaw shatsam da nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-07/pope-francis-greets-journalists-on-papal-flight-to-canada.html