2019 “World Day Of Peace” Ngu Ai Simsa Lam Mungkan Masat Nhtoi Kaba A Matu Wa Sarabyin A Matsun Mungga

Simsa lam

2019 ning Jan praw langai ya shani masat galaw na rai nga ai (52) lang ngu na na “World Day of Peace” Simsa lam Mungkan masat nhtoi kaba a matu Wa Sarabyin  Francis a mungga matsun hpe “Mung masa ngu ai gaw simsa lam gaw gap na matu rai nga ai” ngu ai ga baw hte Vatican shiga dap kaw nna ndau shapraw dat nga ai. 

Wa Sarabyin a matsun mungga hte seng nna Vatican shiga dap kaw nna ndau shana ai lam hta, “Simsa lam Mungkan masat nhtoi kaba a matu Wa Sarabyin Francis a dai ning na mungga matsun gaw, mung masa ngu ai gaw simsa lam gaw gap na matu rai ra ai, mung masa ngu nna tsun yang, mung chying sha ni yawng hte seng ai lam rai nga ai, lak san hku nna gaw mung chying sha ni hpe up hkang na matu, makawp maga lam galaw ya na matu lit shatsam da hkrum nga ai ni hku nna simsa lam glaw gap lam galaw na lit nga nga ai, ngu ai lam ni hpe Wa Sarabyin kaw nna madung da madi madun ai lam galaw da ai hpe mu lu nga ai” nga nna tsun dat nga ai.

“Shada hkungga kam hpa myit ngu ai nnga ai rai yang simsa lam ngu ai nnga mai ai, simsa lam gaw gap ai ngu ai magam bungli hta tara upadi ni hpe hkungga hkan nang hkan sa hkra galaw ai, uhpung uhpawng ni a lapran, masha ban kaji kaba langai hte langai a lapran, n bung ai htung hking lai len ni a lapran shada da hkrum shaga bawng ban tsun shaga jahkrum la ai lam ni lawm nga ai, shada kam hpa myit ngu ai lam nga wa hkra galaw ai lam hta nam bat langai ngu na ahkyak lam kaba gaw shada hkungga hkat ai lam rai nga ai, mung masa galaw ai ngu ai hta, Shinggyim masha a shawng lam gam maka, Mungkan ga a shang lawm gam maka, dai hta shanu nga pra nga ai kaji dik ai, nkung dik ai ni yawng shanhte hte seng ai lam ni hta byin ang ai lam ni byin tai nga lu hkra lajang ya ai lam ni yawng lawm nga ai” nga nna Wa Sarabyin a simsa lam matsun laika hta tsun da nga ai.

 

Source : Vatican News

Add new comment

3 + 4 =