Catholic Hpung Masha Htinggaw ( 9 ) Sha Nga Ai Chang Yin Hku Mare Hta Nawku Jawng Nnan Ding Shawng Shang Poi Galaw

Chihpwi Jau Ginwang, Pang Wa Sara Zone na Chang Yin Hku Mare hta gaw gap la lu sai St.Vincent De Paul Nawku Jawng nnan ding shawn poi hpe ( 7-4-2021 )ya shani Wa Saradaw Francis Daw Tang hte Wa Jau, Mama ni,tara hkaw sara/ma ni,shara shagu na nawku hpung masha ni law law sa du let kabu gara awng dang ai hte galaw la lu sai.

Chang Yin Hku mare gaw Miwa mung jarit Pang Wa mare hte deng (4) sha tsan ai shara rai nna  kahtawlik nawku hpung htinggaw (9), hpung masha marai ( 80 ) jan sha nga ai mare rai nga ai. ( 1994 ) ning aten hpung masha htinggaw ( 3 ) sha re ai lam mung chye lu ai.

Chang Yin Hku mare  buga masha ni gaw Lohoa ga,Lachit ga hte Lisu ga ni hpe law malawng shaga ai.Kaga hpunau makam masham hpung ni hte mung  myit hkrum mang rum rai hku hkau kanawn mazum ai,shada garum shingtau hkat let nga ai lam Sara Zinghtung Naw Tawng tsun dan ai.

Kahtawlik awku hpung masha  nlaw ai ,mung masa npyaw ai lam ni nga ai rai tim Chihpwi Ginwang Up Wa Jau Peter Ung Sau Tang Gun woi awn lam matsun madun ya ai hte maren nawku hpung masha ni shakut shaja shang lawm  ai, Chi Hpwi jau ginwang na ramma dabang hpe mung Chang Yin Hku na nawku jawng wang hta bat ( 2 ) hpaw rai nna, nawku jawng nnan ding shawn shang poi hta ka hkrang lamang,yu ngwi pinra lamang ni hte hpawn rai  grai kabu gara awng dang ai hte galaw la lu sai.

Shiga - Julia Ja Ing