Myitkyina Sasana Covid-19 Response Team Zuphpawng Galaw

Myitkyina Sasana hta galaw taw nga Covid-19 Makawp Ninghkap magam bungli ni grau masan sa ai hku galaw lu na matu seng ang ai Nawku Hpung ningbaw ningla ni hte ta tut magam bungli galaw nga ai Tsi Sara Kaba ni hkrum zup bawng ban ai hpawng hpe August 5, 2021 ya shana maga galaw ai lam chye lu ai.

Myitkyina hta Covid-19 ana kap bra ai lam laja lana byin wa nga ai hte maren machyi masha ni lani hte lani law wa ai majaw Covid-19 Care Center langai hte langai matut mahkai let gara hku tsi lajang makawp maga mat wa na ngu ai lam hpe bawng ban lai wa sai lam chye lu ai.

Matut nna Covi-19 Care Center ni hta apnawng magam gun nga ai masha ni pe Covid-19 tau hkrau makawp maga tsi htu ya lu na matu mung galaw sa wa na re lam chye lu ga ai.

Covid Positive byin ai nta masha ni hpe garum madi shadaw lu na matu hte grau nna kap bra wa ai lam hpe makawp maga lu na matu Quarantine Center hpaw sa wa na matu mung lajang nga ai lam chye lu ga ai.

Ya ten Myitkyina Sasana kaw hpaw da ai St. Carmelus Covid Treatment and Care Center kaw tsi lajang ya nga ai marai 23, Shatapru kaw marai 24 hte St.Luke's Reponse Team kawn yu nga ai Covid Positive byin masha marai 50 nga ai lam chye lu ga ai.

Thomas