Asak kaba jau ni hkringsa shanu nga na dum nta gawgap hpang

Group

June 21 ya jahpawt 11:00AM ten Myitkyina Saradaw Sasana,Shatapru jau ginwang, Shatapru San Patrick Lawk,Mali hkanu makau kaw Myitkyina Saradaw Sasana hta asak kaba sai Wa jau ni hkring sa shanu nga na dum nta hpe gawgap hpang na matu shaman ai lamang galaw lai wa sai .

 Asak kaba sai Wa jau ni shanu shingbyi nga na dum nta gawgap hpang na matu shaman hpaw hpang ai lamang hta Myitkyina Saradaw Sasana,Vicar General rai nga ai Fr.Dr.Peter Hka Awng Tu,Myityina Saradaw Sasana Amu madu Fr.Dr.Joseph Gawlu Yung Wa (Chancellor),Wa Jau Msgr.Francis Zukdaw Lum Dau,Wa Jau Patrick U Law Naw Awng,Wa Jau Gegoray Lazum Naw Din,Wa Joseph Hkangda Kum Htoi,Wa Jau John Galang La Raw,Robert Hpauyam La Wawm,Wa Jau Paul Kinsa Tu Awng,Mama ni,Gawgap Komiti ni hte nawku hpung masha ni sa du shanglawm lai wa sai re.

Myitkyina Saradaw Sasana hta shawngde gaw asak kaba ai jau ni nau nnga ai raitim ya gaw Jau ginwang hpe n yu lu ai asak kaba sai jau ni nga sai majaw asak kaba sai jau ni ngwi pyaw ai hte shim lum ai hku nna hkringsa nga lu na matu ngu nna lai wa sai ten kaw nna myit tawn da ai shara hta gawgap hpang wa ai re lam ( V.G ) Fr.Dr.Peter Hka Awng tsun ai hku nna chye lu ai.

Mungkan kaw na asak kaba sai jau ni nga na matu gap tawn da ai shadang tup hku nna gawgap na re lam chye lu ai.

 

Add new comment

4 + 3 =