Tara Laika Sharin Lamang - Tarinita Laban Nhtoi

Online teaching-30.5.2021sunday

Chyoi Pra ai Trinita Poi

1. Akyu hpyi na
2. Kabu Gara shiga-(Mahte 28:16-20)

   Ndai hta Yesu a sape shi langai hte gaw, shi shanhte hpe hkang da ai hte maren, Galile mung na bum de lung  wa ma ai. Shi hpe mu jang, shanhte nawku ma ai, nkau mi gaw nkam ma ai.Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte hpe ngai kaw ap ya ni ai. Dai majaw nanhte pru sa nna, masha amyu baw shagu hpe sape shatai let, Kawa, Kasha, Chyoi Pra ai Wenyi a mying nsang hte, kashin kamun jaw nga mu, ngai nanhte hpe hkang da mada shanhte hkan shadik lu mu ga, sharin shaga ya mu. Dai hta kaga, lamu ga aprat htum mat hkra, ngai nanhte hte rau dinggrin a nga nga na nngai, ngu nna Yesu Madu shi a sape ni hpe matsun dat mu ai.

      Tsawra ai ma ni e Kabu Gara shiga gaw ndai hte rai sai.Rai yang Kabu Gara shiga hta lawm ai chyum daw hpe hka ja ga,( Mahte 28:19) hta lawm ai chyum daw hpe kalang bai madat yu ga.

Trinity Karai Kasang

May 30, 2021

Tsaw ra ai ma ni e, Trinita Karai Kasang a lam sharin ya ngut sai. Raitim, matut sharin jat la ga yaw. Trinita Karai Kasang gaw- Marai masum nga ai Karai langai hpe tsun ai re.Marai ni gaw: Kawa Karai Kasang, Kasha Karai Kasang hte Chyoi pra ai wenyi Karai Kasang.

Karai Kasang kade nga a ta?

Karai kasang langai sha nga ai. Hpan da Madu Karai langai hta lai na galoi mung n nga ai.Kawa gaw Karai Kasang re.Kasha mung Karai Kasang rai nga ai

Chyoi pra ai Wenyi mung Karai Kasang rai nga ai.Dai marai masum gaw Karai Kasang langai nga ai.Karai a hkrang hpe yu ga: gara hku hkrang shapraw na?

Shi hpe mu lu ai kun ? - n mu lu ai. Wenyi rai nga ai.

Raitim, anhte mu mada ai shinggyim masha shada hte tsit tsawm asak hkrung ai lamu ga, dusat mahkra hpe mu nna Karai a dang di lu ai atsam hpung shingkang hpe yu nna, Karai gaw dai re ngu dum na re.Bai, Matsan dum chye ai Kawa hpe dum shingran yu mu.Kasha Karai Kasang hpe gaw anhte yawng hkrang shapraw lu ai. Hpa majaw ta? Madu Yesu re ai majaw..Madu Yesu gaw shinggyim masha sa tai ai majaw shi hpe chye lu ai.Chyoi pra ai wenyi Karai Kasang hpe uhkru du hte hkrang shapraw ai i..

Wenyi re..N mu lu ai. Raitim, anhte chye na mai ai gaw, Myit masin magam bungli hte Karai a wenyi hpe anhte mu lu ai

Okay rai yang, ndai marai masum Karai langai re ai ni gaw kun dinghku langai na ni re.

Gara zawn dinghku ta? Maren mara, shada hkungga nna, tut nawng galoi mung tsawra hkat ai ni re. Shada shara jaw ai majaw n ga law ai, myit hkrum hkat ai, galoi mung kabu gara ga ai ni re.

Myit hkrum ai hkum hkrang tai na matu anhte a hkum kraw lawang kata hta kun dinghku langai tai ra ai. Mama soi dan na.Ndai gaw baw, ndai gaw hkum, lagaw lata, myit masin hpe n mu lu ai, raitim, ndai kaw hkam sha ai,,,dum ai i..

Baw hta nyen hte myit mang ga ai- hpaji machye machyang, dai hpe bai dinglik yu nna- jaw ai n jaw ai, kaja ai n kaja ai, ra ai n ra ai hpe hkam sha ai; dai hpang  n’gup aga, lagaw lata hte hkrang shapraw ai..okay…

ga shadawn- hka n rawng ai hpe mu ai; shaloi ja ra ai hpe baw nu hta dum ai shaloi gara hku, gara kaw na ja ra ai hpe chye ai; shaloi grau kaja hkra tau galaw ra ai  ngu myit lu ai; dai gaw dinglik yu ai re..rai yang hkawm sa nna, lata ni shamu galaw yang hka lu sai..

Dai hpaji myit masin hkum hkrang masum hte amu langai mi awng dang ai re..dai masum n shamu yang hpa mung n mai byin ai…maren manu rawng ai, maren galaw ra ai, n mai hka ai myit hkrum ra ai..dai gaw ya nanhte chye mai ai : marai masum karai langai a lam re.

ya mama intenet na maumwi langai hpe yu yu shangun na..

Okay ma ni e, ya yu sai sumla hkrung maumwi hta “asak kaba sai ninggun rawng ai tsap hte shat nga yan gaw shi dang ngai dang nga dara na mahkrai kaw n lu rap ai, asak kaji n’gun lagaw n ja ai - prangtai hte kadu hka yan gaw shanhte lai n mai ai majaw nyan hte lai lu hkra galaw ai; shada dara ra ai hta myit yu nna shan a chyeju kumhpa hpe sung lang nna ban dung du hkra lai mat ai.

Ya nanhte prat hta mung dai hku shaman la ga yaw, manang wa hpe dang na nga nna mahkrun tam power lu hkra, shadang hkra chyu n mai ai, dinglik yu nna manang a chyeju kumhpa hpe shara jaw, asum hkam yang awng dang ai, grau kaja ai de du lu ai….re..matsing da ga.

manawn ai myit gaw madu hkum madu n kaja hkrat sum ai de lani mi du chye ai…

Nang dara wa yang, ndai maumwi hpe dum ga yaw..