Tara Laika Sharin Lamang - PMS Ngu Ai Pontifical Mission Societies A Lam

Tara Laika Sharin Nga Ai Shatapru Sasana Ma Ni

Yawng ruyak jamjau ai kaw na myit mada lam de du lu ai ngwi pyaw paska rai u ga…Tsaw ra ai ma ni hte nu wa ni e, dai hpawt gaw ma ni hte nu wan i a lamang rai na re. Shawng nnan kabu gara shiga hpe madat na matu sarama akyu hpyi woi ai hte hpang ga…

 

  1. AKyu hpyi na
  2. Kabu Gara shiga

Dai ni madat hkam la na Kabu Gara shiga gaw (Yawhan 20:19-31) hta na rai nga ai.

       Laban bat a shawng shani nsin rim rim ten e,Yuda masha ni hpe hkrit ai majaw,Sape ni hpawng nga ai nta e chyinghka la da ma ai. Dai yang e Yesu shanhte a ka-ang e sa du tsap let, Nanhte ngwi pyaw nga myit ga, ngu nna shanhte hpe tsun nna shi a lata the garap shanhte hpe madaun dan wu ai.Sape ni mung Madu hpe mu lu yang kabu gara nga ma ai.Bai Yesu gaw Nahte ngwi pyaw nga myit ga, nye a Wa ngai hpe shangun dat ai the maren, ngai mung nanhte hpe shangun dat made ai, nga tsun ai.Shing nga nhtawm Sape ni a ntsa e nsa kawut nna Chyoi Pra ai Wenyi hpe hkap la mu kadai a shut hpyit mara hpe rai tim nanhte raw dat yang raw mat na ra ai. Kadai a shut hpyit mara hpe rai tim nanhte shagun da yang gaw dai mara naw nga na ra ai ngu nna shanhte hpe tsun ai.Shing rai Yesu  sa du ai shaloi Kasa shi lahkawng hta lawm ai, marun ma ngu ai Htawma gaw, shanhte the rau n nga ai. Dai majaw Htawma gaw,Shi a lata hta hpri hkang hpe ngai n mu, dai hpri hkang hta nye a layung n shawn yu yang ngai n kam nngai nga tsun ai.

       Dai hpang masat ya du jang Yesu a sape ni hpawng nga ai aten hta Chyinghka la da timung, Yesu sa du nna, shanhte a ka-ang e tsap let,Nanhte ngwi pyaw nga myita ga law ngu tsun ai. Shaloi shi gaw Htawma hpe, na a layung nang de ladawn nna, Nye a lata hpe yu yu u, na a lata ladawn nna Nye a karep hta  bang yu u, nkam nsham ai myit hpe kau da nna, kam sham u ngu tsun ai. Dai rai nna Htawma gaw, nye a Madu, nye a Karai rai nga ndai ngu nna shi hpe htan ai.Yesu gaw Htawma nang ngai hpe mu lu ai majaw kam sham nit dai, n mu lu timung kam sham ai ni gaw a lu ma  ai ngu nna tsun ai.Yesu gaw shi a sape ni a man e lamik kumla law law galaw dan nu ai. Rai timung, Yesu gaw Karai Kasang a Kasha the dai Hkristu nan rai nga ai hpe kam sham nna shi a amying ningsang a marang e asak hkrung ai lu la myit ga, nga nna ndai hte ka tawn nga ai.

 

       Tsawra ai ma ni e, Kabu Gara shiga gaw ndai the rai sai, Rai yang Kabu Gara shiga hta hkaja mai ai lam gaw,

 

-Shada mara raw hkat na matu hte Karai Kasang hpe n mu lu ai rai tim kam sham na matu Madu Yesu sharin ya nga ai.

-Madu Yesu shi a Sape ni hpe “Nanhte ngwi pyaw nga mu ga” nga shakram ai. Anhte mung Missa hta shada ngwi pyaw simsa na matu baw gum let kam la madun ai.E dai kaw Baw gum ai sha nre sha Shada mani sumsai myit man hkrum let baw gum ai kumla hpe galaw ra ai yaw. Ndai lam ni hpe masing nnna hkaja la ga.

 

Hkaja lamang:

 

Tsaw ra ai ma ni e, dai ni na hkaja lamang hta nanhte a matu chyum daw hte, nanhte hpe ndai lamang madun ya nga ai Anu , AhWA ni a matu ningmu jahpaw tsun dan ai lamang rai na re.

okay, shawng nnan, nanhte a matu mungga asak lu hkra chyum daw hpe matsing la ga;

 

“ Kam Sham Ai Shawa Hpung Ting Gaw Myit Mang Langai Sha Rai Nga Ma Ai; Kadai Mung Tinang Lu Ai Arai Hpe Nye A N Tsun Ai Sha, Yawng Mayawng Hpe Jawm Lang Ma Ai.”

 

Ma ni e, tinang a kun dinghku, nawku hpung hte mungdan hta myit mang langai sha rai nga ai ra ai. Dai myit nga ai hpe maren mara jawm lang, rawt jat ai, lu sha ai ahkaw ahkang ni hta mu mada ai..Ma ni mung dai kyang myit jasat hpe gaw gap da ra ai…yaw.

 

Bai tsun yu ga i…

Grai rai sa..ya Nu Wa ni hpe PMS ngu ai hpe ningmu jahpaw na re…

PMS ngu ai gaw “Pontifical Mission Societies” ngu ai re… Lachyum gaw- Sarabyin hte seng ai Sasana wu hpung ni” ngu ai re. Anhte Myitkyina saradaw Ginwang kaw PMS sasana rung nga ai.

Rai yang ndai Sarabyin hte seng ai Sasana hpung ni hta lawm ai magam lam hte u hpung ni yawng gaw Mali (4) rai nga ai.

 

  1. Sarabyin hte seng ai Makam masham shachyam shabra hpung
  2. Sarabyin hte seng ai Sasana Ma kaji hpung (nanhte sasana ma hpung hpe tsun ai)
  3. Sarabyin hte seng ai Sanpra ai Kasa hpung
  4. Sarabyin hte seng ai Sasana Munghpawm hpung

ni re..

 

Ndai uhpung ni kaw na “Sarabyin hte seng ai Makam masham shachyam shabra hpung a lam hpe tsun dan na…

 

 

Ndai hpe France (Frasik) mungdan Lyon mare na shayi Pauline Marie Jaricot 1822 ning hta hpaw hpang sai.  Shi gaw Sasana lam hpe myit masin mahkra hte ap nawng galaw wa sai. Ndai sasana magam lam hpe Wa Sarabyin Pius XI gaw Pontifical- Sarabyin hte seng ai sasana re nga nna, 1922 ning May shata 3 shani masat ya sai. Dai hpang 1926 ning April 14 ya shani Sarabyin gaw “mungkan sasana nhtoi” ngu masat nna poi galaw na matsun sai. Dai hpe dai ni anhte ni October shata hpang jahtum a laban a shawng laban hta masat galaw ga ai..Dai shani Sasana myit sharawt ninggun jaw matsun lam ni galaw ga ai..Dai shani na laban alu hpe vatican Sarabyin rung de shalai ai..Dai hpe matsan ai mungdan (africa hte asia ) ni de sasana magam a matu bai garan garum ai re…Dai re majaw anhte ni dai laban shani alu bang shakut ra ai….

 

 

            Rai yang, 1. Sarabyin hte seng ai Makam masham Shachyam shabra hpung hta kadai ni lawm a ta? ngu yang- kashin kamun hkam sai asak 14 ning hpring sai ni yawng lawm ai, anhte yawng rai nga ai..Rai yang anhte ni gaw Makam masham lam hpe hkan sa nna wenyi lam, sasana magam lam ni hta sak hkrung na, shadum jahprang galaw ai sasana myit nga ai.

.

Dai majaw, ndai hta yaw shada ai lam gaw,

- Mungkan madang sasana ap nawng ai lam hpe myit dum hprang nga na, Karai a kashu kasha ni hpe sharin shagrin sa wa lu na matu..

           

- shada shiga ni hting let ai, wenyi lam hte seng ai manu dan lam ni garan kachyan nna jamjau tsinyam, myit daw hten ai hte jamjau shoihpa lam ni hpe shiga jaw ai zawn, garum lu na ni hpe shiga jaw matsun na nawku hpung ni hpe garum na matu..

           

- Mungga yawng a kabu gara shiga hpe mu mada ai Kasa magam bungli garan kachyan ai lam hpe ahkyak da let nawku hpung ni a lapran e wenyi lam hte garum madi shadaw lam ni galu kaba jat wa lu na..

           

- Missio Ad Gentes -“amy baw yawng de sa nna” ngu ai Karai magam gun na Sasana ap nawng ai myit masin sharawt ya na matu..

           

- Nawku hpung a shinggyim bawngring lam matsun sharin ai hte seng ai machye machyang hte shiga ni hku nna tara rapra na lam hpaji jaw sharawt ya na matu…

           

- Sut masa hte seng ai myit hkrum lam sharawt ya na matu… re..

           

Rai yang ndai uhpung hpe kadai gaw de hpang  a ta?

 

1822 ning France(fransik ) mung dan, Lyon mare na Pauline Marie Jaricot  hpang ai re..

Shi a sasana lam hta alu jaw hpang ai lam gaw dai ni du hkra grin nga ai…

 

gara hku hpang wa a ta? lani mi shanhte nta hta majoi hpai da ginsup ai, lam mi sha bang bang rai, nta masha ni pyaw pyaw gasup nga ai hpe myit yu hpang wa ai …shi myit ai gaw “lama wa marai langai lap mi shata shagu bang yang, marai 10 re yang, lap shi, marai latsa re yang 100 shata shagu lu na, laning mi re yang 1000 lu na” ngu myit na shanhte a jak rung na bungli masha ni hpe ningmu jahpaw na hpang wa ai..dai hpe Miwa mung sasana a matu garum rum re ai da…

Dai alu sha n rai, akyu hpyi ai hku shang lawm ai…

 

            - shani shagu “sumsing lamu, Awe maria, shakawn kungdawn ga tsun nna shani shagu sasana matu akyu hpyi ai hpe gaw da ya sai…Bai, San Francis Xavier hte Ma Yesu a San Teresa akyu hpyi ga tsun ai…Ndai zawn sasana hpe garum ai rai nga ai…

Hpang na bat ni hta ngam ai uhpung ni a lam tsun dan na…

 

Add new comment

2 + 18 =