Tara Laika Sharin Lamang - Jau Ni Hpun Ai Palawng Galu (Chasuble) A Lam Hte Dubat gali (Stole) A Lachyum

Aku hpyi ai.

 Kabu gara shiga - Luka 21: 25- 28, 34-36

 DAi shaloi e jan shata, shagan ni hta lamik kumla dan pru na ra ai, nammukdara hte hka leng ni a wu kadu ai nsen majaw, ga ningtsa e, mung masha amyu ni myit mau ai hte ru tsang hkrum na mara ai:masha ni gaw mungkan ga e byin wa na ra ai amu ni a lam hpe myit tau nna hkrit wa ai majaw, sumsing lamu a atsam ni gaw gari wa na mara ai. Dai shaloi e masha kasha gaw, daru magam hte hpung shingkang kaba hte nawng sumwi hta du sa ai hpe, shanhte mu na mara ai. Dai lam ni byin wa jang, baw sharawt mada yu mu: kaning rai nme law, nanhte a hkrang shaw la ai lam du na ni wa ra ai.

 

Raitimung, lu lai shalai ai, chyaru nang ai, dinghta ga myit ru myit tsang ai hte nanhte a myit masin li nga nna, dai nhtoi gaw mahkam htim ai zawn, nanhte a ntsa e akajawng sha  ndu pru u ga, sadi nga mu: Kaning rai n me law, dai nhtoi gaw ga ningtsa ting e nga nga ai nlang hte a ntsa e, shingrai du na ra ai. Dai rai nna, dai byin wa na ra ai lam ni yawng hta na nanhte lawt lu nna, masha Kasha a man e tsap lu ging ai ni tai lu myit ga, akyu hpyi let, ahkying aten shagu hta a maja nga mu, ngu mu ai.

 

tsaw ra ai ma ni e, dai ni na kabu gara shiga hta nanhte hkaja mai ai gaw…du sa na Hkristu Hkawhkam hpe ala nga ai ndai du sa ladaw hta akyu hpyi let, sadi let sak hkrung nga ga.

 

Ya ndai du sa ladaw hta anhte tinang a laikyang hta ahkyak ai gawgap lam langai hpe shaman ga…dai hpe chye na na matu maumwi tsun dan na.

 

Maumwi a ga baw gaw: “Myit dingman ai gaw kaja dik ai ladat”.

Ricky hte Rhah yan nau gaw shan galaw shangut ra ai laika galaw nga ai.. Ricky gaw galaw dingyang, lagawn wa ai, shinggan de yu yu nna ginsup mayu nga ai. Myit n lawm ai majaw yup mayu wa ai..sheah shi hpe kahtawt nna “lawan shangut u” ngu tsun tim, ginsup mayu myit hte n lu galaw sai. Raiyang, shi myit hta dai na galaw na re” ngu myit let laika buk hpe makoi da ai..Dai hpang shi nu de sa nna, Nu ngai ginsup sana” ngu san yang, Kanu gaw laika galaw shangut sai i” ngu san jep yu ai. Dai shaloi “ngut sai” ngu shi masu dat ai. Raitim, myi man hta n dawng nga ai..dai hpe kanu gaw chye ai hte jinghka hpaw ya nna, “e nang ngut yang gaw mai ginsup ai” ngu dat ai..Shi mung shinggan de yu nna, grai ginsup mayu ai majaw, sa dat ai…Shi see saw ngu ai lawt lang awat pyaw ai hte taleng hkra nan ginsup ai. shana de du jang kanu galaw da ai shana shat hambuger hpe mu mu mai mai sha ai hpang yawng gaw yup na hkyen masai. Shi gaw dawdan da sai hte maren, laika dung galaw galaw ngai ai. Raitim, shani ginsup da sai majaw grai ba nna, yu mayu dik sai…shaloi shi myit hta …ngai gara hku shangut lu sana ta..nu hpe mung masu kau sai…ngu myit ten, kanu gaw nga chyu gawm hte shi gawk de shang wa ai..Ricky nang hparai n yu shi a ta ? ngu san ai hte shi myi pru pru wa ai hte hkrap wa ai.. “Nu ngai nang hpe masu na laika galaw ngut sai ngu tsun dat ai…re. ya ngai n lu galaw shangut ni ai..ngai dan hkam ra sai…ngu tsun dan ai..kanu gaw..e, ya hpang de dai hku galoi mung hkum masu yaw..dai na anu nang hpe garum na..nga nna, makau kaw sin garum ai..Ricky mung, “Nu ngai ya kaw na galoi mung dingman hkra nga na”…ngu tsun ai da…Kanu gaw..grai kaja sai nye kasha e, “dingman ai lam gaw kaja ai hkrang ladat re” ngu sharin dat ai…da.

 

Tsaw ra ai ma ni e,,, dingman ai lu ai atsam hta lam lahkawng hpe myit dum mai ai.

1.   Tinang tsun ai hte galaw ai lam hpe tinang uphkang lu ai     -  Okay..dai majaw nang galaw na ngu, dawdan ai hpe nang hkum nang galaw na atsam nga ai.

2.   Htauli htaula myit chye ai lam       - e,,.n tsun na hpe n tsun ai zawn, n galaw ging ai hpe n galaw na ginhka dawdan ai gaw htauli htaula chye tau ai myit rai nga ai..

 

Tara laika hkaja lam:

Misa hte seng ai chyoi pra ai arai ni-

Candle: wan shadaw

Cross and signs of Christ – I H S ; XP - Udang, Hkristu a kumla

Chasuble and stole – Misa hkungga nawng jau na matu jau gaw palawng galu hpun ai hte dubat  gali  ai. Dai lam hpe tsun dan na…

Chasuble- palawng galu gaw hkum ting hpe magap da ai dram galu ai re. Nsam gaw nawku dawjau ai ladaw hkan nan n bung ai. Ahkyeng, saba si nsam, ahpraw, asit, ni re. Dai palawng galu hpe jau hpun yang, San pawlu tsun ai mungga” Yesu Hkristu hpe dagraw la u” (Rm 13:14) ngu ai mungga hpe myit dum tsun ai re.

 

Du bat/ jinghpaw myu shayi ni a ningwawt zawn ngu ga. Ndai chasuble hte dubat mawn lu ai a ahkang aya gaw Karai mungga hkaw tsun na hte Sakramentu  jaw ya lu ai Jau ngu ai lachyum re. Ndai dubat hpe du hta gali nna shawng de jahkrat da ai.  Misa hkungga nawng na nga yang, alb ngu ai jau palawng ahpraw a ntsa, dai gali ai hpang, sumri hte gyit ai. Lachyum gaw Madu Yesu a ap nawng ai jamjau hkam ai prat re ai dawjau ai lit la ai re. Karai kasang hte shi a lapran sadi dung ai lachyum re.

 

E..ma ni e…., ndai palawng hte stole/ dubat gaw yanwg hpe laklai ai lachyum tsun dan nga ai. Chyoi pra ai hkungga hpe shawng ningnan daw sha poi galaw ai gaw Madu Yesu hkum nan rai nga ai. Dai majaw misa hkungga nawng na matu palawng hte dubat ni mawn hpun nna shang wa ai Jau gaw mungkan ningnan, Karai Kasang a man hta shang wa ai hte, hpung masha ni hpe “ya ngai (shinggyim masha- nang chye ai) kadai re ai ngu ai hpe nanhte malap da nna, Madu Yesu hkum nan hpe ngai madun nga ai dum u” ngu ai shiga jaw nga ai. Dai hte maren, ndai daw sha poi hkungga hta Madu Yesu tsun sai ga, galaw ai hpe ngai tsun galaw na nngai” nga nna hpung mash ani hpe shadum nga ai.

 

Dai majaw Misa hkungga nawng jau shagu, Madu Yesu nga nga ai. Yawng hte rau nga nga ai. Jau gaw shi a malai rai nga ai.

 

Bai kadun ai hku tsun na- Chasuble- palawng galu hte dubat- Stole gaw Hkristu hpe shadum ya ai.

 

 

Add new comment

2 + 13 =