Simsa Lam hte Hkyela Madu

Lang mi hta e mare langai mi hta makam masham kaba ai kaida jan langai nga ai. Lani mi hta dai mare kaw hka kaba tung wa ai. Mare kata shang wa ai majaw mare masha ni hprawng ai. Hka gaw lahput mashi ga ngwi ngwi lung wa ai. Kaida jan hpe mung sa hkye la ma ai. Raitim kaida jan nhkan hkraw ai. Karai kasang ngai hpe garum na re sha tsun ai. Hka gaw matut nna tung wa ai. nta ntsa du wa ai. kaida jan hpe mare salang ni hkali hte sa hkyela ai. Raitim nhkan hkraw ai. Hka gaw ga ngwi ngwi nta n gaw de du wa ai. Kaida jan hpe jakli hte sa hkyela ai. Raitim nhkan hkraw ai. Ga ngwi ngwi masha lim wa ai. Helicopter  hte sa hkyela ai. Ya na lang mung nhkan hkraw ai. Kaida jan mung hka lim si mat nna Sumsing mungdan jingha de du mat wa ai. Kaida jan Karai Kasang hpe grai hpawt nna tsun ai gaw "ngai hpa majaw nhkyela ai i? ngu tsun ai. Karai Kasang gaw "nang hpe lam amyu myu hku nna hkyela sai. Masha sa nna hkyela sai. hkali jakli dat ya sai. Hpang jahtum Helicopter mung dat ya sai. Nang nhan ai ngu nna tsun ai.