Simsa Lam Hpe Jawm Makawp Maga Ga

Simsa lam hpe gaw gap ai ngu ai hpe n gup hte sha tsun yang loi la nga ai. Ta tut hkrang shapraw yang laja lana yak la ai rai nga ai. Hkrun lam galu la nga ai. Aten galu jaw nna lu la ai baw she rai nga ai. Masha langai kaja wa kri rawng ai, greng ai ngu ai hpe chye lu na matu shi yak hkak jam jau nga ai ten hpe gara hku shalai la sai kun ngu ai hpe yu nna chye lu ai.

Sut magam hta shadang sha, la sha ni gaw nnan gyin shapraw chye ai atsam nga ai. Shayi num ni gaw gumhpraw jahpan chyarang kangka hkra galaw chye ma ai. Gumhpraw zing hkang ai hta kam ram ai ni tai ma ai. Ja gumhpraw hte seng nna ahkyak ai hpan lahkawng nga nga ai.

( 1 ) Ja gumhpraw tam ai lam

( 2 ) Lu tam da ai gumhpraw hpe sadi sahka hte akyu rawng ai hku jai lang ai lam rai nga ai.

Amyu shayi ni gaw lu tam da sai gumhpraw hpe mazing sumhting ai lam hta la ni hta grau byin ma ai. Ndai  byin yan hpe maram yu ai shaloi sut masa magam hta amyu shayi ni mung lani hte lani shang lawm wa nna myusha ni a matu, mungdan a matu kam ram ai sut masa num ni rai masai. Sut magam galaw nna tinang dum nta masha ni a matu, amyu sha hte mungdan a matu galu kaba wa na shakut shaja ai ni gaw simsa ai lam hpe kaja wa gaw gap ai ni rai nga ma ai.

Add new comment

16 + 0 =