Shingra Maka Hpe Makawp Maga Na Masha Shagu Hta Lit Nga Ai

Karai Kasang gaw mahkra dang chye ai hpan da madu re ai ngu ai lam  hpe malap mali di da ai masha ni hku nna mungkan hte seng ai arawng aya atsam ningja ni hpe Karai Kasang a shara hta tawn da nna nawku ai lam ni galaw nga let Karai Kasang hpan da ai arung arai ni hpe n gawn nsan hkrup mara di nna shanhte madu ai ting gyeng arung arai ni zawn mu mada madu la Karai Kasang a shara hta shang tsap kashun ai lam ni galaw chye ma ai.

Mungkan ga hpe hpan da ai Karai Kasang langai sha nga ai,dai Karai Kasang chyu sha nga yawng ngapra mahkra madu hte up hkang ai wa rai nga  ai ngu ai lam ni hpe tsun hkai sharin shaga ai lam ni gaw shinggyim masha hpe shi shara hte shi hkrak nga pra nga chye hkra lajang ya ai kaja dik ai lam rai na rai nga ai.