Shalai Wa Ai Poi Nhtoi Galaw Ai Lam

Wednesday, March 31, 2021

Akyu hpyi na
Dai ni madat hkam la na Kabu Gara shiga gaw (Yawhan 20:1-9)

Dai laban bat a shawng shani e, nhtoi garai n htoi yang, Maria Magdalena jau jau e lup de sa wa ai, dai kaw lup chyinghka la da ai nlung sit mat nga ai hpe mu ai. Dai majaw shi gaw Simun Petru yan Yesu tsawra ai sape hpang de gat sa wa nhtawm, Madu hpe lup de shanhte la nna, kanang e tawn da mu ai hpe anhte n chye ga ai, ngu shan hpe tsun ai.Shaloi shan gaw myit kahpra ai, kajawng ai hte gat sa wa yang, kaga sape gaw Petru hpe gat lai kau da nna, lup de shawng sa du ai.Dai shaloi shi gum yu yang, sumpan gin-yan taw nga ai sha mu ai da: rai ti mung, shi kata de n shang ai. Simun Petru chyawm gaw shi a hpang e hkan gat nang nna, dai de du jang, kata de shang yu nga ai. Sumpan ginyan taw nga ai hpe mung, baw na hpajet gaw sumpan hte rau n re ai, kaga rai nna katsu taw nga ai hpe mung, shi mu wu ai. Dai majaw, lup de shawng du ai, kaga sape mung hkan shang wa nna, mu lu ai hte kam sham wu ai. Yesu gaw si ai ni kaw na bai hkrung rawt wa na ra ai ngu nna, Chyum Laika hta rawng nga ai hpe ndai ahkying du hkra, shan n chye madat ma ai.

Makam masham hkaja lam:

- Madu Yesu hkrung rawt ai lam hpe Maria Magdalena shawng nnan ndau ai lam re.Dai majaw tinang kam sham ai makam masham hpe gwi gwi tsun ra ai, sakse hkam gwi ra ai.

-Ningbaw rai sai ni hpe Num sha/La sha n ginghka ai sha maran hkungga hkap la ra ai.

Hkaja lamang:

Shalai wa ai poi- chyoipra ai laban Mali

Jew/ Yuda Hkristan ni galaw ai mali ya daw sha poi

Tsaw ra ai ma ni e, lai wa sai laban hta shalai wa ai poi a labau hkai dan sai. Ya dai Yuda myu sha Hkristan masha ni galaw ai shalai wa ai poi a lam tsun dan na..

Preparing the Seder- seder shat shaku hpe lajang da ai

Elements of the Meal- Seder shaku hta hpa ni lawm a ta?

pesach' ngu ai sagu shan- dai egutu mung mayam prat kaw na lawt na sagu sai chya da , sha da ra ai majaw sagu hpe sat ai- sagu hkungga re

Unleavened bread (Matzoh) - ngu ai Egutu mung na hprawng ra ai shana hta matsi n lawm ai muk hpe dum na matu…muk tawng/pa kaba mali re…masum hpe dai sha poi hta shama ra ai.

Bitter herbs (Moror) - ngu ai grai hka la ai sha hpa- (saga hka si ) - dai gaw Egutu mung mayam prat jam jau ai prat hpe dum na matu

Green herbs - tsit ai alap- basley lap- hpe jum bang da ai hka kaw tsing sha na. Jum gaw Israela Karai Kasang a kashu kasha ni jamjau yawnhkyen la na pru ai myiprwi si a kumla. Tsit ai lap gaw ( machyan htawngshi ta) a lachyum re- rap run ngut na hpun lap ningnan pru wa ai aten kumla. Dai majaw ningnan bai hkrung na re, nsin ngut yang nhtoi du ai a asak nnan ngu ai lachyum re.

Haroseth (or ‘haroses') gaw mai hpang si, tsunlun si hte makawk si ni gayau da shahpa re. Yuda masha ni Egutu mung kaw hkawseng gap yang lang ai htum a lachyum re

Eggs- Udi hpe mung kang jahkut da ai…De a lachyum gaw yawn hkyen ai lam hpe kumla shapraw ai..hkungga nawg ai.

Wine- sabyi ntsin gawm - Sabyi ntsin hpe shada daw jaw bang ya ai. Gawm hta mali lang bang lu ai re..

Gara hku nawku na sha hpang a ta?

E, dai shahpa ni hpe marai hpra tinang a man hkaban hta bang da sai…

- Wan shadaw langai/ law tim mai ai. wan shadaw hpe kanu a man e nhtoi shatu na tawn da na..(Kanu a man hpe hpajet hte magap da ai..htung mung nga ai,,mai galaw ai)

- Sabyi gawm kagawm kaji ni

Hka namtau-( ye dagawng ) , hka kawk hte hpajet langai- ndai hpe kawa a man e da ai..
muk pa mali hpe mung kawa a makau hpajet hte magam da ai..

Okay…ya gaw lamang hpang sana..

1. wan shatu ai - dai gaw hkye la madu du sa ai , mungkan a nhtoi ngu ai lachyum re..Kanu/ asak kaba ai wa wan shatu yang yawng rawt tsap ai.

Kanu kyu hpyi ga tsun ai.

2. kiddush- Chyeju dum ai- Kawa akyu hpyi ai..shakawn kyu hpyi ai..gara hku hpyi a ta?- dai ni anhte hpe hkye la na, awngdawm jaw ya ai, chyoi pra na ndai shara de shaga la ai hpe kabu chyeju dum ai…

- Dai sabyi gawm hta sabyi bang na lang sharawt let..hpan da Madu sumsing lamu ga madu hpe chyoi pra u ga ngu ai…dai hpang lu ai…

3. Kawa gaw shi ta hpe hka gawm hta kashin ai..kyu hpyi ga tsun ai..

4. Dai hpang yawng tsit ai (bang-gya lap) hpe jum hka hta tsing la na..yawng gaw ndai ga hta na namsi ni hpan ai Madu chyoi pra u ga ngu tsun na sha ai…

5. Dai hpang kawa gaw magap da ai muk pa masum hpe hpaw nna kaang na langai hpe kaang ga na maga mi hpe makoi da ai..Kyu hpyi ai gaw “ Madu Karai kaw Mayam prat na hkye la sai, n kaja ai lam kaw na Madu gaw ya mung kawsi matsan ai ni hpe hkye hkrang la u ga” ngu kyu hpyi ai…

6. haggadah- labau hkai ai…(Prumat 13:8 )

sabyi gawm hta kalang bai bang ai. Dai hpang kaji htum ai ma gaw labau hpe ga san san ai…

“Dai na gaw kaga shana ni hte hpa majaw n bung a ta?

“ Hpa rai matsi n lawm ai muk sha ra a ta?

“ Dai na hparai na grai hka ai lap sha ra a ta?

“ hpa majaw jum hta tsing ra a ta?..nga na san ai..

- shaloi Egutu mayam prat hpe tsun dan ai..

Dai hpang, sagu shan hpe kawa a shawng e da ai..Dai hpe mung hpa rai ngu san yang bai htai ai…shalai wa ai shana hpe tsun dan ai..

- Kawa gaw shawng na muk pa hpe lang ai ..(lachyum hpe san ai)

7. hka ai lap ( kaju hka si /saga hka lap mung mai nga ai)- hpe sha ai lachyum

Egutu mung na lawt ai majaw Chyeju dum ai - sabyi kawk lang sharawt na Madu Karai hpe shakawn ai..mahkawn hkawn ai..
- Yawng dung ai,
8. Dai hpang kawa gaw shahpa yawng a matu akyu hpyi ai…sabyi si hpan da ai Madu hpe shakawn na lu ai..(second cup)
- Muk hpe la na shaman ga tsun ai..dai hpe garan jaw ai hpang shakawn na sha ai…

(Kabu gara hte yawng sha ai)

-9. muk hkyep lahkawng hta hka ai lap hte dwi ai maihpang, makawk si hte galaw da ai shahpa matep na sha ai

pyaw pyaw hte kaga shahpa yawng sha ai…shaloi muk pa lahkawng ma ai..

- Dai hpang hpang jahtum na muk hpe la nna garan jaw ai..(Lk 22:19) _ Ma ni e, Madu Yesu hpang jahtum na shana shat sha poi hta sape ni hpe muk ahkyep ai gaw Yesu gaw yuda htung hte maren shalai wa ai poi galaw ai re. Shaloi Shi hkum, sai hpe shabyin shatai ya sai le.

Shaloi kawa gaw shaman ai…yawng gaw-“ Madu a mying ningsang htani htana anga nga u ga” ngu ai