San Vincent De Paul A Lam Hte Rosary Akyu Hpyi Saw Shaga Ai Lam

1.    Introduction : Sharin na lam _ San Vincent de Paul a lam hte Rosary akyu hpyi saw shaga ai laika

2.    Akyu hpyi ai: Dai ni na Kabu Gara Shiga - Marku 10: 17-30

Tsaw ra ai ma ni e dai hpawt akyu hpyi ai hta mungdan ngwi pyaw simsa na hte Madu Yesu dai ni kabu gara shiga hta sharin ya ai lam hpe myit dum nna akyu hpyi ga. Madu Yesu gaw shi a sape ni hte shi hpang hkan nang mayu ai ni hpe “Madu Karai Kasang a tara hkan na matu” sharin ya ai. Ya nanhte ma ni mung dai hpe myit dum lu na matu nta kaw “tara kanu lam shi” hte “nawku hpung a tara 6” hpe bai hti ga.

Akyu hpyi ai: Sumsing lamu akyu hpyi ga

Ya Mama San vincent a lam hpe tsun dan na. Hpa majaw tsun dan a ta? Shi gaw ya nanhte anhte ni zawn majan sama nga ai, majan a majaw jamjau hkrum yak ai ten hta shangai wa ai ma re Shi gaw Fransik mung daingda maga na Gascony kaw 1581 ning hta shangai wa ai. Shan nau ni marai 6 kaw na 3 ngu ai ma re. Shi a kanu kawa ni gaw sun hkau na galaw na kan bau ai. Shi gaw myit su ai. Shani shagu dumsu, bai nam rem ya, wa yu rai bungli shakut ai. Bungli galaw yang hkepdin pyi n din ai sha, shagrit shanem myit hte shakut shaja ai re. Dai majaw shi a kanu yan kawa gaw an a kasha myit nyan rawng ai, hpan shalat chye ai nyan mung nga ai. Shi hpe jawng lung shangun ga nga nna, san Francis jawng kaw lung shangun sai. E .jawng lung yang mung grai shakut ai majaw ningtawn ai hte maren shagrau hkrum ai re.

Dai majaw shi a buga grupyin na lu su nga mai ai ni gaw shanhte a kashu kasha ni hpe laika sharin na matu saw shaga ai. Shi laika sharin ya ai shaloi laika sha nrai, Karai mungga hpe mung tsun dan ai. Matsan ai ni hpe Lu su nga mai ai ni garum ra ai lam tsun dan ai. Vincent gaw yaw shada lam grai kaba ai. sun hkauna galaw ai hta grau tsaw ai hpe lu la na matu nga jau tai na matu daw dan sai. Shi laika sharin ya na lu ai gumhpraw hte Toulouse karai hpaji -Theology jawng sa lung sai. 1600 ning shi asak 19 ning hta shi buga jau tai wa sai. Jau tai ai hpang 5 ning jan e Karai hpaji sharin shangut shakre na nga nna Roma de sa wa ai shaloi lam e, Turkish masha Damya ni shi hpe rim na dut sha kau nu ai. Dai ten hta mayam dut sha ai prat re. E, shi a mayam prat hta shi gaw shi a madu hpe Karai Kasang lam hkaw tsun dan ai rai nna, dai salang wa hkristan tai wa sai. Shi mung dai mayam prat kaw na lawt lu sai re.

            Dai hpang shi Frasik mung de bai du wa ai. shaloi shi “ngai hpe Karai Kasang hpa galaw shangun a hka? nga sumru yu ai. Ngai hpe dau jau na nre, ngai dawjau na sha akyak ai” nga myit ai. Shi gaw Cardinal Pierre de Berulle hte sa jahkrum sai hpang gaw grai matsan ai ni hpe lakawn ai sasana magam galaw ai. Ramma ni hpe mung myit jahpaw galai shai hkra lam woi sai hte, makam masham de woi sa sai. Matsan ai ni hpe lakawn na matu Ramma ni hte jau nkau mi hpe saw shaga nna “sasana jau” ni ngu hpaw hpang wa sai. shanhte gaw  rau sha, rau akyu hpyi let, matsan ai ni hpe Karai Kasang a mungga gun sa na matu sharin ya nna sasana hpe dam lada hkra galaw ai re. Shi mu mada ai lam langai gaw matsan ai sunhkauna galaw ai ni hte law law ni mara raw sakramentu hpe n hkam ma ai. Dai hte maren jau ni mung dai sasana magam hpe n chye ma ai hpe mu ai.

Lani mi shi jau ginwang kaw jau ginwang a sasana lam hpe hkaw tsun ai. Dai hpang masha law law mara raw sakramentu hkam ai majaw grupyin na Jesuit jau ni sa garum ra mat ai. E..dai zawn San Vincent gaw matsan ai ni, machyi ai ni hpe sa gawan tsi tsi ya nna, grau lakawn lu garum lu na matu tsi rum gap ai, Dai hte maren, ap nawng mayu ai shayi Louis de Marillac hte rau “daugthers of Charity” mama hpung hpe mung hpaw da sai. E, dai ni San vincent de paul nga nna tsawra myit hte matsan ai ni hpe garum ai uhpung ni mungkan hta law law nga ai re.

Ma ni e, San Vincent kaw na hkaja la ga. Shi zawn matsan ai ni hpe lakawn garum na sasana magam hpe galaw ra ga ai. Dai hku galaw lu na matu ya kaw na shi zawn ma kaji ten hta karai a tara ni hpe sharin la ra ga ai..

Okay, matut nna, Oct 18 ya shani rosary hti shang lawm lu na matu saw shaga ai lam hpe mama hti dan na.

3. Wan ma ni rosary hti ai akyu hpyi ai, 2021