PMS-Online Tara Laika Sharin Lamang ( 28.05.2023) Chyoi Pra Ai Wenyi Yu Hkrat Wa Ai Poi

PMS-Online Tara Laika Sharin Lamang ( 28.05.2023)

Chyoi Pra Ai Wenyi Yu Hkrat Wa Ai Poi

Yawhan 20: 19-23

Chyoi pra ai wenyi Yu Hkrat wa ai Poi

Chyum Daw- Jhn 20: Chyoi Pra ai Wenyi hpe hkap la mu: gade a yubak mara hpe rai ti mung, nanhte raw dat myit yang gaw, raw mat na ra ai; gade a yupbak mara hpe rai ti mung, nanhte shagun da myit yang gaw, mara nga na ra ai…”

Kyuhpyi ai:

Mara raw dat ya lu na matu : Tinang a mara, Kanu Kawa ni a mara; ningbaw ni a mara hpe raw dat ya rit. Dai a chyeju hte ngwi pyaw sim sa lam hpe gawgap lu u ga hte, Jaw ai nyan hte galaw ai a maräng e anhte mung simsa ai chyeju hpe hkam la lu u ga..

Tsaw ra ai ni e, lai wa sai bat lahkawng hta Mama nanhte hpe “Morality ngu ai arawnalai tsawmhtap “ lam hpe lata chye na hpe sharin ya sai. Dai hpawt matut nna dai arawn alai  kaja myit jasat kaja ai lam a “ningpawt kyang” kaja ni hpe tsun dan nna, anhte mare buga, dum nta, nawku jawng hta tatut galaw na hpe tsun dan na…

-    Nta, shawa shara, nawku jawng kaw ndai zawn tissue lang ngut yang, tinang lit la zing na, sump kaw bang, nhpye kaw bang, maza pung kaw bang na..n mai jahkrat da ai..tinang lang ai maza shahpa hpe zing ai,

-    Hka gawm ni zing ai, namdum kaw hka n nga yang, hka ja da ai, plastic shayawm lang ai..

-    Num kasha ni shata shagu lang ai numhkying lakawn ai pasi magap  hpe atsawm kayawp zing na bang ai. Hka sharam lang ai. ya ndai lam ni hpe shawng galaw lu hkra shaman u yaw..

Okay: Ndai kaw yu ga:

 Lailen kaja re ai ningpawt tsawmhtap lam gaw Shinggyim masha a sari hte chyoi pra ai lam hta ningpawt ai re. Dai majaw lawu na myit jasat arawnalai hpe matsing da ga..

1.     Lakawn ai, - Tsaw ra matsan dum ai arawn alai; Manang ni ruyak jamjau lam hpe mu chye, rau hkam sha chye ai hte garum lakawn ai, Karai hpan ai arai yawng hpe lakawn ai.

2.    tara rapra ai,- teng man dinghpring ai myit masin re; masu lam  n nga, grau nna tara rapra ai hte maren ahkaw ahkang lang ai kyang.

3.    hkungga ai, - wuhpung wuhpawng hta spada hkungga ai hte hkungga ra ai ni hpe hkungga madat mara ai; (video clip- salang hte ma adawt hkat ai)

4.    sadi dung ai,- Manang hpe, tinang dum nta masha ni, wuhpung wuhpawng rau hkuhkau malawm ni a ntsa sadi dung nna ap nawng ai; n kaja ai manawn masham lam hpe sadi maja ninghkap ai kyang

5.    Chyoipra ai- shinggyim hkumhkrang gaw karai hpan ai majaw grai chyoi pra ai, myit nyan lu ai hte maren, wenyi san seng ai hpe galaw lu ai, tinang hkum,myit hpe up hkang ai.

Shani shagu anhte mu ai na ai gaw kaja ai hte n kaja ai lam ni re. Dai hpe anhte lata ra ai. Dum nna yawng a matu kaja ai hpe lata galaw ai. Dai hpe Conscience - htauli htaula myit chye ai” ngu ai.

Rai sa; Dai dum ai hpe bai tsun na…Dum ai ngu ai hpe anhte a Karai jaw sai nyan hte awngdawm hte dinglik yu ai re. Dai hpang she lata na. N dinglik yu ai sha ntsa lam  tang tang myit nna lata ai gaw  tinang hte wuhpung wuhpawng yawng a matu n kaja mat ai de du wa chye ai. Rai yang, masha gaw Karai hte bung nna grai chyoi pra ai, Mi kaw na grai kaja ai re. Dai hpe kraw de du hkra dum ai lam gaw Karai jaw ai Chyoi pra ai shara , Wenyi myit re sai. Hpungtang hpaji hku gaw conscience - ngu ai. Makam masham hku myit yang, Chyoi pra ai Wenyi re…

Tsaw ra ni..ya dai ni gaw Chyoipra ai wenyi yu hkrat wa ai poi…re..chyoipra ai wenyi kumhpa gade nga a ta? Chyoi pra ai wenyi apu asi gaw gade ta? Dai ni dai hpe bai matsing la ga i..Moi sharin ngut sai…bai shadum la na..

1.    Haji byeng-ya

2.    Chye na ai Nyan

3.    Hpaji daw ai- hpaji hkam la chye ai

4.    Marai rawng ai

5.    Htauli htaula chye myit ai

6.    Makam masham hkan sa shakut ai

7.    Karai Kasang hpe hkrit hkungga ai

Chyoi pra aiWenyi a apu asi:

1.    Tsawra ai, 2. kabu gara ai 3. ngwi pyaw ai, 4. myit galu kaba ai; 5. matsan dum ai, 6.mai kaja ai, 7.kangka ai, 8. myit nem ai 9. tinang myit hpe hkang lu ai..

 yawng hpe Karai wa chyoi pra ai wenyi chyeju jaw ya u ga….